ପାଟଣା : ପାଟଣା ବ୍ଲକ ଅଞ୍ଚଳରେ ଆଜି ମଧ୍ୟାହ୍ନ ସାଢେ ୧୨ଟା ପରେ ତୁରୁମୁଙ୍ଗା ଥାନା ଓ ପାଟଣା ଥାନା ଅଞ୍ଚଳରେ କାଳବୈଶାଖୀ ପ୍ରଭାବରେ ଘନ ଘନ ବଜ୍ରପାତ ସହ ବିକ୍ଷିପ୍ତ ବର୍ଷା ଓ ୫୦ କିଲୋମିଟର ବେଗରେ ପବନ ବହିବାରୁ ଅଞ୍ଚଳ ଥରହର ହୋଇପଡିଥିଲା । ତୁରୁମୁଙ୍ଗା, ଚିଲିଦା, ଚେମଣା, ମୁରୁସୁଆଁ, କୋଡଖମଣ, କେନ୍ଦେଇପଶି, ଖୁଣ୍ଟାପଡା ଆଦି ଅନେକ ଗ୍ରାମରେ ଗଛ ଉପୁଡି ପଡିବା ସହ କେତେକ ଗ୍ରାମରେ ବିଦ୍ୟୁତ ଖୁଣ୍ଟ ଭାଙ୍ଗି ପଡିଛି ଯାହା ଫଳରେ ବିଦ୍ୟୁତ ସେବା ବ୍ୟାହତ ହୋଇଛି । ପାଟଣା ବ୍ୟାଙ୍କ ଅଫ ଇଣ୍ଡିଆ ସାମ୍ନାରେ ଅସ୍ଥାୟୀ ଟେଣ୍ଟକୁ ପବନ ଓପାଡି ଫୋପାଡି ଦେଇଛି । ବର୍ଷା ଯୋଗୁଁ ପାଟଣା ବ୍ଲକ ପରିସରରେ ପାଣି ଲହଡି ମାରୁଥିବା ବେଳେ ବ୍ଲକ ଛକରେ ଆଣ୍ଠୁଏ ଉଚ୍ଚ ପାଣି ଲହଡ଼ି ଭାଙ୍ଗିଥିଲା । ପାଟଣା– କେନ୍ଦେଇପଶି ରାସ୍ତାର ଅନେକ ରାସ୍ତାରେ ଗଛ ଉପୁଡି ରାସ୍ତା ଅବରୋଧ ହୋଇଥିବା ବେଳେ କ୍ଷୟକ୍ଷତିର ସବିଶେଷ ବିବରଣୀ ମିଳିନାହିଁ ।
Comments are closed.