ନୂଆଦିଲ୍ଲୀ : ଟେସଲା ଏବେ ଭାରତ ଆସିବା ନେଇ ଲଗାତର ଚର୍ଚ୍ଚା ଚାଲିଛି । ପୂର୍ବରୁ ଟେସଲାର ଏକ ଟିମ୍ ଭୂମି ସନ୍ଧାନରେ ଭାରତ ଆସିବା ସୂଚନା ସାମ୍ନାକୁ ଆସିଥିଲା । ଏହା ପରେ ଟେସଲା ଭାରତରେ ପ୍ରବେଶ କରିବା ୧୦୦ ପ୍ରତିଶତ ନିର୍ଦ୍ଧାରିତ ହୋଇସାରିଛି ବୋଲି ବୟାନ ଦେଇଥିଲେ ଟେସଲାର ପ୍ରତିଷ୍ଠାତା ଏଲନ ମସ୍କ ।
କୁହାଯାଉଛି କି ଟେସଲା କାରଖାନା ନିର୍ମାଣରେ ଏଲନ ମସ୍କ ଭାରତରେ ପ୍ରାୟ ୨ ଅରବ ଡଲାର ନିବେଶ କରିବେ । ଏଥିପାଇଁ ଅନେକ ରାଜ୍ୟ ସହିତ ଆଲୋଚନା ଚାଲିଛି । ତେବେ ଟେସଲା ଏବଂ ରିଲାଏନ୍ସ ଇଣ୍ଡଷ୍ଟ୍ରିଜ୍ ମଧ୍ୟରେ ଏକ ମିଳିତ ଉଦ୍ୟେଗ ନେଇ ଚର୍ଚ୍ଚା ଜୋର ଧରିଛି । ଯଦି ଏହି ଆଲୋଚନା ସଫଳ ହୁଏ ତେବେ ମୁକେଶ ଅମ୍ବାନୀ ଏବଂ ଏଲନ ମସ୍କ ମିଶି ଟେସଲା କାରଖାନା ମହାରାଷ୍ଟ୍ରରେ ଲଗାଇବେ ।
୮ ଲକ୍ଷ କିଲୋମିଟର ପର୍ଯ୍ୟନ୍ତ ଚାଲିବ ଏହି ଇଲେକ୍ଟ୍ରିକ୍ ବାଇକ୍, ୮ ବର୍ଷର ଓ୍ବାରେଣ୍ଟି ଦେବ କମ୍ପାନୀ
ଟେସଲା ଭାରତ ଆସିବା ପାଇଁ ଏକ ସ୍ଥାନୀୟ ପାର୍ଟନର ସନ୍ଧାନ କରୁଛି । ନିଜ ନିର୍ମାଣ ୟୁନିଟ୍ ଲଗାଇବା ପାଇଁ ସେ ପ୍ରାୟ ମାସେ ଧରି ରିଲାଏନ୍ସ ସହ ଚର୍ଚ୍ଚା କରୁଛି । ତେବେ ସୂଚନା ଅନୁସାରେ ଉଭୟ କମ୍ପାନୀଙ୍କ ମଧ୍ୟରେ ଆଲୋଚନା ପ୍ରାରମ୍ଭିକ ସ୍ତରରେ ରହିଛି । ମୁକେଶ ଅମ୍ବାନୀ ବର୍ତ୍ତମାନ ଅଟୋମୋବାଇଲ କ୍ଷେତ୍ରକୁ ଓହ୍ଲାଇବା ପାଇଁ କିଛି ଖାସ୍ ଯୋଜନା କରିନାହାଁନ୍ତି । ତେବେ ସେ ଇଲେକ୍ଟ୍ରିକ୍ ଗାଡି ଉତ୍ପାଦନ ପାଇଁ ବହୁତ ଉତ୍ସାହିତ ଅଛନ୍ତି ।
Comments are closed.