ଜୟପୁର: ଜୟପୁରର ୧୯ ଜଣ କିନ୍ନର ଇଚ୍ଛା ମୃତ୍ୟୁ ପାଇଁ ଆବେଦନ କରି ଚିଠି ଲେଖିଛନ୍ତି। ଅଲ୍ ଓଡ଼ିଶା ତୃତୀୟ ଲିଙ୍ଗ କଲ୍ୟାଣ ଟ୍ରଷ୍ଟ ସଭାପତି ମୀରା ପରିଡ଼ାଙ୍କ ପାଖକୁ ସେମାନେ ଏହି ଚିଠି ଲେଖିଛନ୍ତି । କାରଣ ସେମାନଙ୍କୁ ୨ ବର୍ଷ ନିଯୁକ୍ତିପରେ ବିନା କାରଣରେ ଚାକିରିରୁ କାଢି ଦିଆଯାଉଛି। ସେମାନଙ୍କୁ ୨୦୧୭ରେ ଡାକ୍ତରଖାନାରେ ସିକ୍ୟୁରିଟି ଗାର୍ଡ ରୁପେ ନିଯୁକ୍ତି ଦିଆଯାଇଥିଲା। ହେଲେ ଗତ ଅକ୍ଟୋବର ମାସରେ ୧୯ ଜଣଙ୍କୁ ମାଟ୍ରିକ ଫେଲ ବୋଲି କାଢି ଦିଆଯାଇଛି। ଏବେ ସେମନଙ୍କର ବଞ୍ଚିବା କଷ୍ଟକର ହୋଇପଡ଼ିଛି । ସେମାନେ ଜୟପୁର ଜିଲାପାଳ ଓ ଉପଜିଲାପାଳଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ କିଛି ପଦକ୍ଷେପ ନିଆଯାଇନାହିଁ । ଯଦି ଏହି ଘଟଣାନେଇ କିଛି ନିଷ୍ପତ୍ତି ନ ନିଆଯାଏ ତେବେ ୧୯ ଜଣ କିନ୍ନର ଇଚ୍ଛାମୃତ୍ୟୁ ନେବାକୁ ବାଧ୍ୟହେବୁ । ଏଥିପାଇଁ କୋରାପୁଟ ଜିଲା ପ୍ରଶାସନ ଦାୟୀ ରହିବ ବୋଲି ଚିଠିରେ ଲେଖିଛନ୍ତି ।
ଏହି ଚିଠି ସେମାନେ ଅଲ୍ ଓଡ଼ିଶା ତୃତୀୟ ଲିଙ୍ଗ କଲ୍ୟାଣ ଟ୍ରଷ୍ଟ ସଭାପତି ମୀରା ପରିଡ଼ାଙ୍କ ପାଖକୁ ଲେଖିଛନ୍ତି ।
