ଯାଜପୁର : ଯାଜପୁର ବିଧାନସଭା ଆସନ ପାଇଁ କଂଗ୍ରେସ ତାର ପ୍ରାର୍ଥୀ ଘୋଷଣା କରିବା ପରେ ବିବାଦ ଦେଖାଦେଇଛି । ଏହି ଆସନ ପାଇଁ ସନ୍ତୋଷ ନନ୍ଦଙ୍କୁ ଦଳ ପ୍ରାର୍ଥୀ କରିଛି । କିନ୍ତୁ ଏହି ଆସନ ପାଇଁ ଦଳୀୟ ଟିକେଟ ଦାବିରେ ଏଆଇସିସି ସଦସ୍ୟ ପୁଲିନ ପ୍ରକାଶ ପୁହାଣ ଥିବା ଜଣାପଡିଛି। ପୁଲିନ ପୂର୍ବରୁ ଦଳୀୟ ସଂଗଠନକୁ ମଜବୁଦ କରି ଘରକୁ ଘର ବୁଲି ସଂଗଠନ କରିଥିବା କହିଛନ୍ତି। ଏପରିକି ଯାଜପୁର ନିର୍ବାଚନ ମଣ୍ଡଳୀର ଯୁବକ ମାନଙ୍କୁ ଏକାଠି କରି ଚଳିତ ନିର୍ବାଚନରେ ଦଳୀୟ ଟିକେଟ ପାଇ ଲଢ଼େଇ କରିବେ ବୋଲି ମନ ସ୍ଥିର କରିଥିବା ଜଣାପଡିଛି। କିନ୍ତୁ ତାଙ୍କୁ ଦଳ ପକ୍ଷରୁ ଟିକେଟ ଦିଆଯାଇନଥିବାରୁ ନିଜର ଅସନ୍ତୋଷ ବ୍ୟକ୍ତ କରିଛନ୍ତି । ରାମବାଗ ଠାରେ ଅନୁଷ୍ଠିତ ଏକ କର୍ମୀ ସମାବେଶରେ ନିଜର ଅସନ୍ତୋଷ ପ୍ରକାଶ କରିଛନ୍ତି । ପରବର୍ତ୍ତୀ ପଦକ୍ଷେପ ସଂପର୍କରେ ନିଜ ସମର୍ଥକ ଓ କର୍ମୀ ମାନଙ୍କ ସହିତ ପରାମର୍ଶ କରୁଥିବା କହିଛନ୍ତି। ଦିନେ କିମ୍ବା ଦୁଇ ଦିନ ମଧ୍ୟରେ ଏ ନେଇ କୌଣସି ନିଷ୍ପତି ନେଇପାରନ୍ତି ବୋଲି ପୁଲିନ ପ୍ରକାଶ କରିଛନ୍ତି ।
Popular Categories
Previous article
Next article