ଯାଜପୁର: ଯାଜପୁର ଥାନା ଅନ୍ତର୍ଗତ ଗଂଜେଶ୍ୱର ଅଞ୍ଚଳରୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ମହିଳା ଜଣଙ୍କ ହେଲେ ବଳରାମ ସେଠୀଙ୍କ ସ୍ତ୍ରୀ ସୁଶ୍ମିତା। ସୁଶ୍ମିତାଙ୍କୁ ଯୈାତୁକ ପାଇଁ ହତ୍ୟା କରାଯାଇଥିବା ଅଭିଯୋଗ ହୋଇଛି। ଛିଅର ବାପଘରଲୋକ ତାଙ୍କ ଝିଅକୁ ଯୈାତୁକ ପାଇଁ ହତ୍ୟା କରିଥିବା ଅଭିଯୋଗ ଆଣିଛନ୍ତି ।
ସୂଚନା ଅନୁଯାୟୀ, ଭଣ୍ଡାରିପୋଖରୀ ଥାନା ବାଲିପୋଖରି ଗ୍ରାମର ଶୈଳେନ୍ଦ୍ର ସେଠୀଙ୍କ ଝିଅ ସୁଶ୍ମିତା ଯାଜପୁର ଥାନା ଅଧିନସ୍ଥ ଗଂଜେଶ୍ୱର ଅଞ୍ଚଳରେ ସାଗର ସେଠୀଙ୍କ ପୁଅ ବଳରାମଙ୍କ ସହିତ ୯ ବର୍ଷ ତଳେ ବିବାହ ହୋଇଥିଲା । ସେମାନଙ୍କର ଦୁଇଟି ସନ୍ତାନ ଅଛନ୍ତି । ବିବାହପରେ ଯୈାତୁକପାଇଁ ଶାଶୁଘରଲୋକେ ମାନସିକ ଓ ଶାରିରୀକ ନିର୍ୟ୍ୟାତନା ଦେଇଆସୁଥିଲେ । ବିବାହ ସମୟରେ ଦାବି ମୂତାବକ ୩୦ ହଜାର ଟଙ୍କା ଦିଆଯାଇଥିଲା । ଏହାପରେ ମଧ୍ୟ ଶାଶୁଘର ଲୋକେ ୮୦ହଜାର ଟଙ୍କା ଦେବା ପାଇଁ ଦାବି କରୁଥିଲେ । ଏହି ଟଙ୍କାକୁ କେନ୍ଦ୍ର କରି ଶାଶୁଘର ଲୋକ ଝିଅକୁ ହତ୍ୟା କରିଥିବା ଯାଜପୁର ଥାନାରେ ମୃତକଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି । ଯାଜପୁର ପୁଲିସ ଶବକୁ ଜବତ କରି ବ୍ୟବଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନି । ଅନ୍ୟପଟେ ଏହି ଘଟଣାରେ ଅଧିକ ତଦନ୍ତ ଲାଗି ସ୍ୱାମୀକୁ ଥାନାରେ ଅଟକ ରଖାଯାଇଛି ।
Comments are closed.