ଝାରସୁଗୁଡ଼ା : ଝାରସୁଗୁଡ଼ା ପୁଲିସ ଏକ ନକଲି ନୋଟ କାରବାର ରାକେଟର ପର୍ଦାଫାସ କରିବା ସହ ୩ଜଣଙ୍କୁ ଗିରଫ କରିଛି ଏବଂ ସେମାନଙ୍କଠାରୁ ୯୬ହଜାର ୩୦୦ଟଙ୍କା ମୂଲ୍ୟର ୯୨୭ଟି ନକଲି ନୋଟ ଜବତ କରିଛି । ଏଥିରେ ବ୍ୟବହୃତ ଟଙ୍କା ଛାପିବା ଯନ୍ତ୍ର ମଧ୍ୟ ଜବତ କରାଯାଇଥିବା ଏସ୍ପି ରାହୁଲ ପିଆର ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।
ଶନିବାର ମଧ୍ୟାହ୍ନରେ ଜିଲା ପୁଲିସ ମୁଖ୍ୟାଳୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏସପି ଏ ସମ୍ପର୍କରେ ବିସ୍ତୃତ ସୂଚନା ଦେଇ ଏସ୍ପି କହିଥିଲେ ଯେ, ମୁଖ୍ୟ ଅଭିଯୁକ୍ତ ଲଖନପୁର ବ୍ଲକର ବନ୍ଧବାହାଲ ଅଞ୍ଚଳର ଏକ ପେଟ୍ରୋଲ ପମ୍ପରେ ନକଲି ନୋଟ ବିନିମୟ କରିବାକୁ ଚେଷ୍ଟା କରୁଥିବା ବେଳେ ପୁଲିସ ହାତରେ ଧରା ପଡ଼ିଥିଲା । ପଚରା ଉଚରା କରିବା ପରେ ଏହି କାରବାରର ଚେର ସମ୍ବଲପୁର ଜିଲାର ବାମରାରୁ ଲମ୍ବି ଥିବା ଜଣାପଡ଼ିଥିଲା । ଅଭିଯୁକ୍ତ ବନହରପାଲି ଅଞ୍ଚଳ ଖଡ଼ାମ ଗ୍ରାମର ମହମ୍ମଦ ଅଜମଲ(୨୦) ଶୁକ୍ରବାର ପୂର୍ବାହ୍ନ ୧୦ଟାରେ ବନ୍ଧବାହାଲ ଠାରେ ଥିବା ଏକ ପେଟ୍ରୋଲ ପମ୍ପରୁ ନିଜ ହିରୋ ଗ୍ଲେମର ମୋଟର ସାଇକେଲରେ ପେଟ୍ରୋଲ ଭରିବା ପରେ ୨ଟି ନକଲି ଶହେ ଟଙ୍କିଆ ନୋଟ ଦେଇଥିଲା । ପମ୍ପ କର୍ମଚାରୀ ଏହା ଜାଣିପାରି କୌଶଳକ୍ରମେ ଅଜମଲକୁ ଅଟକାଇ ମାଲିକ ଗଜରାଜ ସିଂହଙ୍କୁ ସୂଚନା ଦେଇଥିଲେ । ଶ୍ରୀ ସିଂହ ତୁରନ୍ତ ପୁଲିସକୁ ସୂଚନା ଦେବା ପରେ ବନହରପାଲି ଥାନା ଓ ବନ୍ଧବାହାଲ ଫାଣ୍ଡି ପୁଲିସ ତୁରନ୍ତ ପହଞ୍ଚି ଯୁବକକୁ କାବୁ କରିଥିଲେ । ଜେରା ବେଳେ ଅଭିଯୁକ୍ତ ଅଜମଲ ଉକ୍ତ ରାକେଟରେ ବାମରାର ଅାଉ ୨ଜଣ ଅଭିଯୁକ୍ତଙ୍କ ସମ୍ପୃକ୍ତି ଥିବା କହିଥିଲା । ତା’ପରେ ପୁଲିସର ଏକ ସ୍ବତନ୍ତ୍ର ଦଳ ବାମରା ସିସେଲ ଫାର୍ମ ପଡ଼ାରୁ ମହମ୍ମଦ ଇର୍ଫାନ(୨୪) ଓ ମହମ୍ମଦ ଇସ୍ତିଫାକ୍ ଅନସାରୀ(୩୨)କୁ ଗିରଫ କରିଥିଲା । ଏମାନଙ୍କଠାରୁ ଉକ୍ତ ନକଲି ନୋଟ ଓ ଟଙ୍କା ଛାପିବା ଯନ୍ତ୍ର ସହିତ ଗୋଟିଏ କଲର ପ୍ରିଣ୍ଟର, ୮ଟି କ୍ୟାଟ୍ରିଜ, ପ୍ରିଣ୍ଟ ନୋଟ କାଗଜ, ଗୋଟିଏ ଗ୍ଲେମର ବାଇକ ଓ ୩ଟି ମୋବାଇଲ ଜବତ କରାଯାଇଥିବା ଏସ୍ପି ଶ୍ରୀ ରାହୁଲ ସୂଚନା ଦେଇଛନ୍ତି ଗୋଟିଏ କଲର ପ୍ରିଣ୍ଟର, ୮ଟି କ୍ୟାଟ୍ରିଜ, ପ୍ରିଣ୍ଟ ନୋଟ କାଗଜ, ଗୋଟିଏ ଗ୍ଲେମର ବାଇକ ଓ ୩ଟି ମୋବାଇଲ ଜବତ କରାଯାଇଛି ।
୯୬ ହଜାରରୁ ଊର୍ଦ୍ଧ୍ବ ନକଲି ନୋଟ୍ ଜବତ, ୩ ଗିରଫ
Popular Categories
Previous article
Next article