ନୂଆଦିଲ୍ଲୀ : ଚୀନ ସୀମା ସୁରକ୍ଷାକୁ ଗୁରୁତ୍ୱ ଦେବା ପୂର୍ବକ ସରକାର ଆଇଟିବିପିକୁ ଶକ୍ତିଶାଳୀ କରିବାକୁ ନିଷ୍ପତ୍ତି ନେଇଛନ୍ତି। ୩୪୮୮ କିମି ଭାରତ-ଚୀନ ସୀମା ସୁରକ୍ଷା ଦାୟିତ୍ୱରେ ଥିବା ଆଇଟିବିପିର ଶକ୍ତି ବୃଦ୍ଧି କରିବା ଲାଗି ସରକାର ୯ଟି ନୂଆ ବାଟାଲିୟନ ତିଆରି ପାଇଁ ନିଷ୍ପତ୍ତି ନେଇଛନ୍ତି। ଏହା ସହିତ ୪୭ଟି ନୂଆ ବର୍ଡର ଆଉଟ ପୋଷ୍ଟ ନିର୍ମାଣ କରାଯିବ। ପିଟିଆଇ ରିପୋର୍ଟ ଅନୁଯାୟୀ ଗତ ମାସରେ ହୋଇଥିବା ସ୍ୱରାଷ୍ଟ୍ର ମନ୍ତ୍ରଣାଳୟ ବୈଠକରେ ଏହି ନିଷ୍ପତ୍ତି ନିଆଯାଇଛି। ୯ଟି ନୂଆ ବାଟାଲିୟନ ଗଠନ ଦ୍ୱାରା ଆଇଟିବିପିରେ ଅଧିକ ୯୦୦୦ ସୈନିକ ସାମିଲ ହେବେ। ଚୀନ ସୀମାନ୍ତ ଉତ୍ତର ପୂର୍ବାଞ୍ଚଳ ରାଜ୍ୟରେ ଆଇଟିବିପିର ସେକ୍ଟର ହେଡ କ୍ୱାର୍ଟର ରହିବ। ଏହି ସେକ୍ଟର ହେଡ କ୍ୱାର୍ଟର ୪୭ଟି ବର୍ଡର ଆଉଟ ପୋଷ୍ଟ ସହିତ ପାଟ୍ରୋଲିଂ ୟୁନିଟ୍କୁ ନିୟନ୍ତ୍ରଣ କରିବ। ଆଇଟିବିପିରେ ନୂଆ ୯୦୦୦ ସୈନିକ ନିଯୁକ୍ତି ସହିତ ଖାଲିପଡିଥିବା ୬୦୦୦ ନିମ୍ନ ବର୍ଗର ପଦକୁ ମଧ୍ୟ ପୂରଣ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଆଇଟିବିପିରେ ଏବେ ୯୦ହଜାର ସୈନିକ ରହିଛନ୍ତି।
Popular Categories
Previous article
Next article