ଭୁବନେଶ୍ୱର: ଏକାଦଶ ଆଉଟରିଚ ଅନ୍ତର୍ଜାତୀୟ ରେଡ଼ିଓ ମେଳା ଭଞ୍ଜକଳା ମଣ୍ଡପରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଦେଶର ଅନେକ ରେଡିଓ ପ୍ରସାରକ ଓ ଷ୍ଟେସନ ଯୋଗଦେଇଛନ୍ତି। ମେଳାରେ ୩ ହଜାରରୁ ଅଧିକ ପୁରୁଣା ରେଡ଼ିଓ, ପ୍ରସାରଣ ସାମଗ୍ରୀ, ଗ୍ରାମଫୋନ ପ୍ରଦର୍ଶିତ ହୋଇଛି । ମେଳାରେ ନୂଆ ରେଡିଓ କିଣିବା ସହ ଲୋକମାନେ ପୁରୁଣା ରେଡିଓ ମରାମତି ମଧ୍ୟ କରାଇପାରୁଛନ୍ତି ।
ଏହି ଅବସରରେ ଲୋକପ୍ରିୟ କଣ୍ଠଶିଳ୍ପୀ ବର୍ଣ୍ଣାଳି ହୋତାଙ୍କୁ ଉପେନ୍ଦ୍ର କୁମାର ପାହାଡ଼ସିଂହ ସ୍ମାରକୀ ପୁରସ୍କାର, ଆକାଶବାଣୀର ଅବସରପ୍ରାପ୍ତ ପ୍ରୋଗ୍ରାମ ଏଗଜିକ୍ୟୁଟିଭ ଅଭୟ ଦାସଙ୍କୁ ନଦିଆ ବିହାରୀ ସ୍ମୃତି ସମ୍ମାନରେ ସମ୍ମାନିତ କରାଯିବାର କାର୍ଯ୍ୟକ୍ରମ ରହିଛି । କେନ୍ଦୁଝରର ରେଡିଓ ଜୁହାରକୁ ଜନ ସେବାରେ ରେଡିଓର ସର୍ବୋକୃଷ୍ଟ ବ୍ୟବହାର ପାଇଁ ସମ୍ମାନିତ କରାଯାଇଛି। ଓଡିଶା ସରକାରଙ୍କ ସଂସ୍କୃତି ବିଭାଗ ସହାୟତାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ପରିବେଷଣ କରାଯାଇଛି । ଫେବୃଆରୀ ୧୩ ତାରିଖ ବିଶ୍ଵ ରେଡିଓ ଦିବସକୁ ସ୍ମରଣୀୟ କରିବା ପାଇଁ ଆଉଟରିଚ ତରଫରୁ ପ୍ରତି ବର୍ଷ ଏହି ମେଳା ଆୟୋଜିତ ହୋଇଥାଏ । ଆସନ୍ତାକାଲି ଅର୍ଥାତ୍ ଫେବୃୟାରୀ ୧୪ ତାରିଖରେ ଏହା ଶେଷ ହେବ ।
