ଇନ୍ଦୋର: ମଧ୍ୟପ୍ରଦେଶର ଆର୍ଥିକ ରାଜଧାନୀ ଇନ୍ଦୋର ସପ୍ତମ ଥର ପାଇଁ ସବୁଠାରୁ ସ୍ବଚ୍ଛ ସହର ହେବାର ଗୌରବ ଅର୍ଜନ କରିଛି। ସ୍ବଚ୍ଛ ସର୍ବେକ୍ଷଣ ୨୦୨୩ରେ ଇନ୍ଦୋର ପୁଣି ଥରେ ପ୍ରଥମ ସ୍ଥାନ ହାସଲ କରିଛି। ଗୁରୁବାର ଦିଲ୍ଲୀରେ ଆୟୋଜିତ କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୁଖ୍ୟମନ୍ତ୍ରୀ ମୋହନ ଯାଦବଙ୍କୁ ସ୍ବଚ୍ଛତା ପୁରସ୍କାରା ପ୍ରଦାନ କରିଛନ୍ତି। ଏଥିସହ ମଧ୍ୟପ୍ରଦେଶ ଦେଶର ଦ୍ବିତୀୟ ସ୍ବଚ୍ଛ ରାଜ୍ୟ ଭାବେ ପୁରସ୍କୃତ ହୋଇଛି। ମହାରାଷ୍ଟ୍ର ଦେଶର ସବୁଠାରୁ ସ୍ବଚ୍ଛ ରାଜ୍ୟ ମାନ୍ୟତା ପାଇଛି।
ମଧ୍ୟପ୍ରଦେଶର ଇନ୍ଦୋର କ୍ରମାଗତ ସପ୍ତମ ଥର ଦେଶର ସବୁଠାରୁ ସ୍ବଚ୍ଛ ସହର ଭାବରେ ରହିଆସିଛି। ତେବେ ଏଥର ଇନ୍ଦୋର ସହିତ ଗୁଜରାଟର ସୁରଟ ମଧ୍ୟ ପ୍ରଥମ ସ୍ଥାନ ଅଧିକାର କରିଛି। ସ୍ବଚ୍ଛ ଭାରତ ସର୍ଭେରେ ପ୍ରଥମ ଥର ପାଇଁ ଦୁଇଟି ସହର ପ୍ରଥମ ସ୍ଥାନ ଅଧିକାର କରିଛନ୍ତି। ଇନ୍ଦୋର ବ୍ୟତୀତ ବର୍ତ୍ତମାନ ଗୁଜରାଟର ସୁରଟ ମଧ୍ୟ ମିଳିତ ଭାବେ ଦେଶର ସବୁଠାରୁ ସ୍ବଚ୍ଛ ସହର ହୋଇପାରିଛି।
Comments are closed.