ନୂଆଦିଲ୍ଲୀ : ଇଣ୍ଡୋନେସିଆର ଲୋମ୍ବୋକବାସୀ ରବିବାର ସଂଘଟିତ ଭୂକମ୍ପର ବିଭୀଷିକାରୁ ମୁକୁଳି ନ ଥିବା ବେଳେ ଗୁରୁବାର ପୁନଃ ଏହି ଦ୍ୱୀପରେ ଏକ ଭୂକମ୍ପ ଅନୁଭୂତ ହୋଇଛି। ଅପରାହ୍ଣରେ ସଂଘଟିତ ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୬.୨ ରେକର୍ଡ କରାଯାଇଛି। ଲୋମ୍ବୋକ ଦ୍ୱୀପର ଉତ୍ତର-ପଶ୍ଚିମ ଅଞ୍ଚଳରେ ଭୂପୃଷ୍ଠଠାରୁ ୧୨ କିଲୋମିଟର ଗଭୀରତାରେ ଏହା କେନ୍ଦ୍ରୀଭୂତ ହୋଇଥିଲା। ଭୂପୃଷ୍ଠରେ ଏହା କେନ୍ଦ୍ରୀଭୂତ ହୋଇଥିବାରୁ ସୁନାମୀ ଆସିବାର ଆଶଙ୍କା ନ ଥିବା ଇଣ୍ଡୋନେସିଆ ବିପର୍ଯ୍ୟୟ ମୁକାବିଲା ସଂସ୍ଥାର ମୁଖପାତ୍ର ସୁଟୋପୋ ପୁର୍ୱୋ ନୁଗ୍ରୋହୋ କହିଛନ୍ତି। ରବିବାର ଭୂକମ୍ପ ପରେ ଏକପ୍ରକାର ଭୟଭୀତ ଅବସ୍ଥାରେ ଥିବା ସ୍ଥାନୀୟ ବାସିନ୍ଦା ଗୁରୁବାର ଅପରାହ୍ଣରେ ଭୁକମ୍ପର ଝଟ୍କା ଅନୁଭୂତ ହେବା ମାତ୍ରେ ଘରୁ ବାହାରକୁ ଚାଲିଆସିଥିଲେ। ରାସ୍ତା ଉପରେ ଜନଗହଳି ସୃଷ୍ଟି ହୋଇଥିଲା। ଏହି ଭୂକମ୍ପ ଯୋଗୁ ବହୁ ଅଟ୍ଟାଳିକା ଭୁଶୁଡି ପଡିଥିବା ଜଣାପଡିଛି। ରବିବାର ଭୂକମ୍ପଜନିତ ମୃତ୍ୟୁ ସଂଖ୍ୟା ୨୨୬ରୁ ୩୮୧ ମଧ୍ୟରେ ଦର୍ଶାଯାଇଥିବା ବେଳେ ଲକ୍ଷାଧିକ ଲୋକ ବାସହରା ହୋଇପଡିଥିବା କୁହାଯାଛଛି।
Popular Categories
Previous article
Next article