ବ୍ୟାଙ୍କକ୍ : ଭାରତ ଓ ଚୀନ୍ ସମ୍ପର୍କ ବର୍ତ୍ତମାନ କଠିନ ସମୟ ଦେଇ ଗତି କରୁଛି ବୋଲି କହିଛନ୍ତି ବୈଦେଶିକ ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର । ଥାଇଲାଣ୍ଡର ଚୌଲାଲଙ୍ଗକର୍ନ ବିଶ୍ବବିଦ୍ୟାଳୟରେ ଭାଷଣ ଦେବା ଅବସରରେ ଜୟଶଙ୍କର କହିଥିଲେ ସୀମାରେ ଚୀନ୍ ଗତ ଦୁଇବର୍ଷ ହେବ ଯେଉଁ କାର୍ଯ୍ୟକଳାପ ଜାରି ରଖିଛି ତାହାକୁ ଦୃଷ୍ଟିରେ ରଖି ବର୍ତ୍ତମାନ ଦୁଇ ଦେଶ ମଧ୍ୟରେ ସମ୍ପର୍କ କଠିନ ସମୟ ଦେଇ ଗତି କରୁଥିବା କୁହାଯାଇ ପାରିବ। ଭାରତ ଓ ଚୀନ୍ ମଧ୍ୟରେ ଭଲ ସଂପର୍କ ରହିଥିଲେ ବିଶ୍ବ ଦରବାରରେ ଏସିଆର ଆଧିପତ୍ୟ ବଢ଼ିବ ବୋଲି ଚୀନ୍ର ନେତାମାନେ କହୁଥିବା ବେଳେ ବାସ୍ତବିକ କ୍ଷେତ୍ରରେ ଦୁଇ ଦେଶର ସମ୍ପର୍କରେ ଉନ୍ନତି ଆଣିବାକୁ ସେମାନେ କୌଣସି ପଦକ୍ଷେପ ଗ୍ରହଣ କରୁନଥିବା ଜୟଶଙ୍କର ମତ ଦେଇଛନ୍ତି।
ରୁଷିଆ ଠାରୁ ତେଲ କିଣିବା ଏବଂ ମିଆଁମାର ଶାସକଙ୍କୁ ସମର୍ଥନ ଦେବା ପରିପ୍ରେକ୍ଷୀରେ ବିଶ୍ବର କେତେକ ଦେଶ ଭାରତକୁ ସମାଲୋଚନା କରୁଥିବା ବେଳେ ଭାରତର ଏହି ନିଷ୍ପତ୍ତିକୁ ଯଥାର୍ଥ ବୋଲି ଦର୍ଶାଇଛନ୍ତି ଜୟଶଙ୍କର। ଭାରତ ଓ ଚୀନ୍ ନିଜର ସ୍ବାର୍ଥକୁ ସୁରକ୍ଷିତ ରଖି ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ବଜାୟ ରଖିପାରିଲେ ଉଭୟ ଦେଶର ବ୍ୟାପକ ଉନ୍ନତି ସାଧିତ ହେବ ବୋଲି ସେ କହିଥିଲେ। ସୀମାରେ ଶାନ୍ତି ବଜାୟ ରଖିଲେ ଭାରତ ଓ ଚୀନ୍ ସମ୍ପର୍କରେ ଉନ୍ନତି ଆସିବ ବୋଲି ଜୟଶଙ୍କର ସ୍ପଷ୍ଟ କରି ଦେଇଛନ୍ତି।
ଭାରତ-ଚୀନ୍ ସମ୍ପର୍କ କଠିନ ସମୟ ଦେଇ ଗତି କରୁଛି : ଜୟଶଙ୍କର
Popular Categories
Previous article
Next article