ଭୁବନେଶ୍ଵର: ଭାରତରେ ଟ୍ରେନ୍ ଯାତ୍ରୀଙ୍କ ପାଇଁ ଆସୁଛି ବନ୍ଦେ ଭାରତ ସ୍ଲିପର ଟ୍ରେନ୍। ଦୁଇ ମାସ ଭିତରେ ଟ୍ରାକ୍ ରେ ଦୌଡିବ ଭାରତର ବହୁ ପ୍ରତୀକ୍ଷିତ ପ୍ରଥମ ବନ୍ଦେ ଭାରତ ସ୍ଲିପର ଟ୍ରେନ୍। ଏହି ସୂଚନା ଦେଇଛନ୍ତି ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ। ଟ୍ରେନ୍ ନିର୍ମାଣ କାମ ଜୋରସୋରରେ ଚାଲିଛି। ସମସ୍ତ ବୈଷୟିକ କାମ ଶେଷ ପର୍ଯ୍ୟାୟରେ ପହଞ୍ଚିଛି। ବାଙ୍ଗାଲୋରରେ ଥିବା ବିଏମଇଏଲ୍ ଲିଃ ରେଳ ୟୁନିଟରେ ଟ୍ରେନ୍ ନିର୍ମାଣ କାମ ଚାଲିଛି। ଏହି ଟ୍ରେନ୍ ରେ ଯାତ୍ରୀଙ୍କୁ ଆରାମ ଦାୟକ ଯାତ୍ରା ସହ ରହିବ ବିଶ୍ଵସ୍ତରୀୟ ସୁବିଧା। ୧୬ କୋଚ୍ ବିଶିଷ୍ଟ ରହିବ ବନ୍ଦେ ଭାରତ ସ୍ଲିପର ଭର୍ସନ୍। ଯେଉଁଥିରେ ୪ଟି ବଗିର ଗୋଟିଏ ୟୁନିଟ୍ ରହିବ। ତେବେ ଏଥିରେ ଅତ୍ୟାଧୁନିକ ଶୀତ ନିୟନ୍ତ୍ରଣ ସହ ସେନସର୍ ଭିତ୍ତିକ ଲାଇଟିଂ , କ୍ୟାମେରା, ବାୟୋ ଭାକ୍ୟୁମ୍ , ଟଏଲଟ୍ ଏବଂ ଅନ୍ୟାନ୍ୟ ସୁବିଧା ଆଦି ରହିବ ।
Comments are closed.