ଭୁବନେଶ୍ୱର: ଭାରତୀୟ ଲୋକ ପ୍ରଶାସନ ସଂସ୍ଥା, ଭୁବନେଶ୍ୱର ଶାଖାର ବାର୍ଷିକ ସମ୍ମିଳନୀ ସଂପ୍ରତି ଅନୁଷ୍ଠିତ ହୋଇଯାଇଛି। ଏଥିରେମୁଖ୍ୟ ଅତିଥି ରୂପେ ଯୋଗ ଦେଇ ରାଜ୍ୟ ମୁଖ୍ୟ ସୂଚନାକମିଶନର୍ ଜେ.କେ. ତ୍ରିପାଠୀ ସୂଚନା ଅଧିକାରର ଗୁରୁତ୍ୱପୂର୍ଣ୍ଣ ଦିଗଗୁଡିକ ଉପରେ ଆଲୋକପାତ କରିବା ସହ ଏହା ପ୍ରଶାସନକୁ ଲୋକାଭିମୁଖୀ ତଥା ଫଳପ୍ରଦ କରିପାରିଛି ବୋଲି ମତବ୍ୟକ୍ତ କରିଥିଲେ। ସଂସ୍ଥାର ସଭାପତି ଡ. ଅରୁଣକୁମାର ରଥଙ୍କ ପୌରୋହିତ୍ୟରେ ସମାହିତ ଏହି ସମ୍ମିଳନୀରେ ପ୍ରଫେସର ଚିତ୍ରା କାନୁନ୍ଗୋ ଅତିଥି ପରିଚୟ ପ୍ରଦାନ କରିଥିଲେ। ପ୍ରଫେସର ଯୁଗଳ ମିଶ୍ରଙ୍କ ସଂପାଦନାରେ ପ୍ରକାଶିତ ସଂସ୍ଥାର ତ୍ରୈମାସିକ ଜର୍ଣ୍ଣାଲ୍କୁ ମୁଖ୍ୟଅତିଥି ଉନ୍ମୋଚନ କରିଥିଲେ।
ପ୍ରବନ୍ଧଲିଖନ ଓ ବକ୍ତୃତା ପ୍ରତିଯୋଗିତାର କୃତୀ ବିଦ୍ୟାର୍ଥୀଙ୍କୁ ଏହି ଅବସରରେ ପୁରସ୍କୃତ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ସଂସ୍ଥାର ପୂର୍ବତନ ଚେୟାରମ୍ୟାନ୍ ଡି.ଏନ୍. ପାଢୀ, ଏନ୍.ଆର. ହୋତା, ଏସ୍.ସି.ମିଶ୍ର, ଏସ୍.ସି. ହୋତା, ବି.ବି. ମିଶ୍ର, ପ୍ରଫେସରବି.ସି. ଚୌଧୁରୀ ପ୍ରମୁଖଙ୍କୁ ମଧ୍ୟ ସମ୍ବର୍ଦ୍ଧନା ଦିଆଯାଇଥିଲା। ସେକ୍ରେଟାରୀ ଅଶୋକ ମହାପାତ୍ର ବାର୍ଷିକ ବିବରଣୀ ଉପସ୍ଥାପନ କରିବା ସହ ସଂସ୍ଥାର ଉଲ୍ଲେଖନୀୟ ସାଫଲ୍ୟ ବିଷୟରେ ଉଲ୍ଲେଖ କରିଥିଲେ। ଏଥିରେ ୬୦ରୁ ଊଦ୍ଧ୍ୱର୍ସଭ୍ୟ ସଭ୍ୟା ଉପସ୍ଥିତ ଥିଲେ। ପରିଶେଷରେ ପ୍ରଫେସର ପ୍ରତୀପ ମିଶ୍ର ଧନ୍ୟବାଦ ଦେଇଥିଲେ।
