ଡେସ୍କ: ଓମାନରେ ତେଲ ଟ୍ୟାଙ୍କର ବୁଡିଯିବା ପରେ ଖୋଜାଖୋଜି ଓ ଉଦ୍ଧାର କାର୍ଯ୍ୟ ପାଇଁ ଭାରତୀୟ ନୌସେନାର ଏକ ଯୁଦ୍ଧ ଜାହାଜ ଏବଂ ଏକ ପି-୮ଆଇ ସାମୁଦ୍ରିକ ପାଟ୍ରୋଲିଂ ବିମାନକୁ ପଠାଯାଇଛି। ଓମାନର ରାସ ମଦରାକାଠାରୁ ପ୍ରାୟ ୨୫ ନଟିକାଲ ମାଇଲ ଦକ୍ଷିଣ ପୂର୍ବରେ ଏକ କୋମୋରୋସ୍ ପତାକା ଥିବା ତୈଳ ଟ୍ୟାଙ୍କର ଏମଭି ପ୍ରେଷ୍ଟିଜ୍ ଫାଲକନ୍ ବୁଡ଼ିଯିବା ପରେ ଅନୁସନ୍ଧାନ ଓ ଉଦ୍ଧାର କାର୍ଯ୍ୟ ପାଇଁ ଭାରତୀୟ ନୌସେନା ଯୁଦ୍ଧ ଜାହାଜ ଏବଂ ପି-୮ଆଇ ସାମୁଦ୍ରିକ ପାଟ୍ରୋଲିଂ ବିମାନ ପଠାଇଛି। ଟ୍ୟାଙ୍କରରେ ୧୩ ଜଣ ଭାରତୀୟ ଏବଂ ୩ ଜଣ ଶ୍ରୀଲଙ୍କା ନାଗରିକଙ୍କୁ ମିଶାଇ ମୋଟ ୧୬ ଜଣ କର୍ମଚାରୀ ଥିବା ଜଣାପଡିଛି। ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏହି ଯୁଦ୍ଧ ଜାହାଜକୁ ସନ୍ଧାନ ଏବଂ ଉଦ୍ଧାର ସହାୟତା ପ୍ରଦାନ କରିବା ନିମନ୍ତେ ଅଳ୍ପ ସମୟ ପାଇଁ ପଠାଯାଇଥିଲା। ଅଶାନ୍ତ ସମୁଦ୍ର ଓ ପ୍ରବଳ ପବନ ସତ୍ୱେ ଉଦ୍ଧାର କାର୍ଯ୍ୟ ଜାରି ରହିଛି।
ଓମାନ ଉପକୂଳରେ ରବିବାର ସ୍ଥାନୀୟ ସମୟ ରାତି ପ୍ରାୟ ୧୦ଟା ବେଳେ ଜାହାଜଟି ଏକ ବିପର୍ଯ୍ୟୟ ସଙ୍କେତ ଦେଇଥିଲା।
Comments are closed.