ନୂଆଦିଲ୍ଲୀ : ୨୦୧୭ରେ ବିମାନରେ ଯାତ୍ରା କରୁଥିବା ସର୍ବାଧିକ ଲୋକଙ୍କ ମଧ୍ୟରେ ଭାରତୀୟ ତୃତୀୟ ସ୍ଥାନରେ ଅଛନ୍ତି। ଅନ୍ତର୍ଜାତୀୟ ବିମାନ ପରିବହନ ସଂଘ (ଆଇଏଟିଏ) ପକ୍ଷରୁ ଗୁରୁବାର ପ୍ରକାଶିତ ରିପୋର୍ଟରେ ଜାତୀୟତା ଭିତ୍ତିରେ ବିମାନ ଯାତ୍ରୀଙ୍କ ଏକ ତାଲିକା ପ୍ରକାଶ ପାଇଥିଲା। ଏହି ତାଲିକାରେ ସର୍ବାଧିକ ବିମାନ ଯାତ୍ରା କ୍ଷେତ୍ରରେ ଭାରତ ତୃତୀୟ ସ୍ଥାନରେ ଅଛନ୍ତି। ରିପୋର୍ଟ ଅନୁସାରେ ୨୦୧୭ରେ ଅନ୍ତର୍ଜାତୀୟ ଏବଂ ଆଞ୍ଚଳିକ ବିମାନରେ ୪୦୦ କୋଟି ଲୋକ ଯାତ୍ରା କରିଥିଲେ। ସେଥିମଧ୍ୟରୁ ସର୍ବାଧିକ ୬୩.୨ କୋଟି ଆମେରିକୀୟ ବିମାନରେ ଯାତ୍ରା କରିଥିବା ବେଳେ ୫୫.୫ କୋଟି ଚୀନବାସୀ , ୧୬.୧ କୋଟି ଭାରତୀୟ, ୧୪.୭ କାଟି ବ୍ରିଟିଶ ଏବଂ ୧୧.୪ କୋଟି ଜର୍ମାନୀ ନାଗରିକ ବିମାନରେ ଯାତ୍ରା କରିଛନ୍ତି। ତେବେ ଭାରତରେ ଆଞ୍ଚଳିକ ବିମାନ ସେବାରେ ଯାତ୍ରୀଙ୍କ ସଂଖ୍ୟା ଆଶାତୀତ ଭାବେ ବୃଦ୍ଧି ପାଇବାରେ ଲାଗିଛି। ୨୦୧୭ରେ ଆଞ୍ଚଳିକ ବିମାନ ଯାତ୍ରୀଙ୍କ ସଂଖ୍ୟା ୧୭.୬% ଏବଂ ଜୁଲାଇ ୧୮.୩% ବୃଦ୍ଧି ପାଇଛି।
Popular Categories
Previous article
Next article