ନ୍ୟୁୟର୍କ: ଡୋନାଲ୍ଡ ଟ୍ରମ୍ପ କ୍ଷମତାକୁ ଆସିବା ପରେ ଆମେରିକାରେ ପ୍ରବାସନ ଆଇନକୁ କଡକାଡି କରାଯାଇଛି। ବିଦେଶୀ ନାଗରିକଙ୍କ ଆମେରିକା ଆଗମନ ଉପରେ କଡା ନଜର ରଖାଯାଇଛି। ଏହି କ୍ରମରେ ନିଜ ସନ୍ତାନଙ୍କୁ ଭେଟିବା ଲାଗି ଆମେରିକା ଯାଇଥିବା ଏକ ଭାରତୀୟ ଦମ୍ପତିଙ୍କୁ ପ୍ରବେଶ ଅନୁମତି ମିଳି ନାହିଁ। ଦମ୍ପତି ଦ୍ବୟ ବି-୧/ବି-୨ ପରିଦର୍ଶନ ଭିସାରେ ଆମେରିକା ଯାଇଥିଲେ। ଆମେରିକାରେ ଚାକିରି କରିଥିବା ନିଜ ସନ୍ତାନଙ୍କ ପାଖରେ ସେମାନେ ୫ମାସ ରହିବା ଲାଗି ଯୋଜନା କରିଥିଲେ। ତେବେ ସେମାନେ ନ୍ୟୁୟର୍କ ବିମାନବନ୍ଦରରେ ପହଞ୍ଚିବା ପରେ ଆମେରିକା ମଧ୍ୟକୁ ପ୍ରବେଶ ଲାଗି ଅନୁମତି ଦିଆଯାଇ ନଥିଲା। ନୂଆ ପ୍ରବାସନ ଆଇନ ଆଧାରରେ ସେମାନଙ୍କୁ ବିମାନ ବନ୍ଦରରୁ ଫେରାଇ ଦିଆଯାଇଥିଲା। ନୂଆ ପ୍ରବାସନ ଆଇନ ଅନୁଯାୟୀ ଆମେରିକା ଆସୁଥିବା ବିଦେଶୀ ନାଗରିକଙ୍କୁ ଫେରିବା (ରିଟର୍ଣ୍ଣ) ଟିକଟ୍ ଦେଖାଇବାକୁ ପଡିବ। ମାତ୍ର ଉକ୍ତ ଦମ୍ପତିଙ୍କ ପାଖରେ ରିଟର୍ଣ୍ଣ ଟିକଟ ନଥିବାରୁ ଫେରାଇ ଦିଆଯାଇଥିଲା। ଟ୍ରମ୍ପଙ୍କ ନୂଆ ପ୍ରବାସନ ଆଇନକୁ ନେଇ ଅନେକ ଭାରତୀୟ ଏବେ ଚିନ୍ତାରେ ପଡିଛନ୍ତି। ନୂଆ ଆଇନ ସମ୍ପର୍କରେ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ। ଟ୍ରମ୍ପଙ୍କ ଅଘୋଷିତ ପ୍ରବାସନ ଆଇନକୁ ନେଇ ଭାରତୀୟଙ୍କ ସମେତ ଅନ୍ୟ ରାଷ୍ଟ୍ରର ନାଗରିକ ଚିନ୍ତାରେ ରହିଛନ୍ତି।
Popular Categories
Previous article
Next article