୭୮ରନରେ ବିଜୟ ସହ ସିରିଜ ହାତେଇଲା ଭାରତ

ପୁଣେ : ପୁଣେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଶୁକ୍ରବାର ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯାଇଥିବା ତିନିଟିକିଆ ମ୍ୟାଚ୍ ବିଶିଷ୍ଟ ଟ୍ବେଣ୍ଟି-୨୦ ସିରିଜର ତୃତୀୟ ତଥା ଅନ୍ତିମ ମ୍ୟାଚରେ ଭାରତ ବିଜୟ ଲାଭ କରିଛି। ଏହାସହିତ ଭାରତ ତିନିଟିକିଆ ସିରିଜକୁ ୨-୦ରେ ହାତେଇ ନେଇଛି। ଆଜିର ମ୍ୟାଚରେ ଭାରତ ରଖିଥିବା ୨୦୨ ରନର ବିଜୟ ଲକ୍ଷ୍ୟକୁ ପିଛା କରି ଶ୍ରୀଲଙ୍କା ପ୍ରାରମ୍ଭରୁ ବ୍ୟାଟିଂ ବିପର୍ୟ୍ୟୟର ସମ୍ମୁଖିନ ହୋଇଥିଲା। ଦଳ ସମ୍ପୂର୍ଣ୍ଣ ୨୦ଓଭର ଖେଳିବାକୁ ଅସମର୍ଥ ହୋଇଥିଲା। ତେବେ ଶ୍ରୀଲଙ୍କାର ସମ୍ପୂର୍ଣ୍ଣ ଟିମ୍ ମାତ୍ର ୧୫ଓଭର ପାଞ୍ଚଟି ବଲ ଖେଳି ୧୨୩ରନ କରି ଅଲ ଆଉଟ ହୋଇଯାଇଛି।

ଭାରତ ପକ୍ଷରୁ ବୁମ୍ରା ୨ ଓଭର ବୋଲିଂ କରି ୫ ରନ ଦେଇ ଗୋଟିଏ ୱିକେଟ ନେଇଛନ୍ତି। ସେହିଭଳି ଶ୍ରାଦୁଲ ଠାକୁର ୩ ଓଭରରେ ୧୯ ରନ ଦେଇ ଦୁଇଟି ୱିକେଟ, ସାଇନି ୨ ଓଭର ୫ଟି ବଲରେ ୨୮ ରନ ତିନୋଟି ୱିକେଟ ଏବଂ ୱାସିଙ୍ଗଟନ ସୁନ୍ଦର ୪ ଓଭର ୩୭ରନ ଦୁଇଟି ୱିକେଟ ନେଇଛନ୍ତି। ଦୁଇଟି ୱିକେଟ ରନ ଆଉଟ ଆକାରରେ ମିଳିଛି।

ଭାରତ ପକ୍ଷରୁ ରାହୁଲ୍ ସର୍ବାଧିକ ୫୪ (୩୬ ବଲ୍‌, ୫ ଚୌକା, ୧ ଛକା) ଓ ଧୱନ୍ ୫୨ (୩୬ ବଲ୍‌, ୭ ଚୌକା, ୧ ଛକା) ରନ୍ କରିଥିଲେ।

ଶ୍ରାଦୁଲ ଠାକୁରଙ୍କ ଜବରଦସ୍ତ ବୋଲିଂ ପାଇଁ ତାଙ୍କୁ ମ୍ୟାନ ଅଫ ଦି ମ୍ୟାଚ ବିବେଚିତ କରାଯାଇଛି। ସେହିଭଳି ସିରିଜରେ ଜବରଦସ୍ତ ବୋଲିଂ ପାଇଁ ନବଦୀପ ସାଇନଙ୍କୁ ମ୍ୟାନ ଅଫ ଦି ସିରିଜ ବିବେଚିତ କରାଯାଇଛି।

Another clinical display from #TeamIndia to clinch the series ??#INDvSL pic.twitter.com/t2sABuvgAB

— BCCI (@BCCI) January 10, 2020