ନୂଆଦିଲ୍ଲୀ : ରୁଷ୍ର ଆଣବିକ ଶକ୍ତି ସମ୍ପନ୍ନ ଯୁଦ୍ଧଜାହାଜକୁ ଭାରତ ୧୦ବର୍ଷ ପାଇଁ ଲିଜ୍ରେ ଆଣିବ। ଏଥିପାଇଁ ଭାରତ ୨୦୦ କୋଟି ଡଲାର ପ୍ରଦାନ କରିବ। ଭାରତ ନିଜର ଆଣିବିକ ଶକ୍ତି ସମ୍ପନ୍ନ ଯୁଦ୍ଧଜାହାଜ ନିର୍ମାଣ କରୁଛି। ଆଣବିକ ଯୁଦ୍ଧଜାହାଜକୁ କିପରି ପରିଚାଳନା କରାଯିବ ସେ ସମ୍ପର୍କରେ ଭାରତୀୟ ନାବିକଙ୍କୁ ପ୍ରଶିକ୍ଷଣ ଦେବା ଉଦ୍ଦେଶ୍ୟରେ ରୁଷ୍ର ଆଣବିକ ଯୁଦ୍ଧଜାହାଜକୁ ଲିଜ୍ରେ ଅଣାଯିବ। ଆଣବିକ ଯୁଦ୍ଧଜାହାଜ ଲିଜ୍ରେ ଆଣିବା ଲାଗି ରୁଷ୍ ସହିତ ଭାରତ ଏହାର ବୁଝାମଣାକୁ ଚୂଡାନ୍ତ କରିଥିବା ବ୍ଲମ୍ବର୍ଗ ରିପୋର୍ଟରୁ ପ୍ରକାଶ। ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ ଗସ୍ତରେ ଆସିବା ପୂର୍ବରୁ ଗୁରୁବାର ଦୁଇ ଦେଶର ପ୍ରତିରକ୍ଷା ମନ୍ତ୍ରିସ୍ତରୀୟ ବୈଠକରେ ଏହି ବୁଝାମଣାକୁ ଚୂଡାନ୍ତ ରୂପରେଖ ଦିଆଯାଇଛି। ତେବେ ରୁଷ୍ ଏହାର ଆଣବିକ ଯୁଦ୍ଧଜାହାଜ ଦେବାକୁ ପ୍ରାୟ ଦୁଇବର୍ଷ ଲାଗିଯିବ। କାରଣ ଏହା ପଛରେ ଅନେକ ବୈଷୟିକ ଜଟିଳତା ରହିଛି। ପୁଟିନଙ୍କ ଗସ୍ତ ପୂର୍ବରୁ ଭାରତ-ରୁଷ୍ ଇଣ୍ଟର ଗଭର୍ଣ୍ଣମେଣ୍ଟ କମିସନ ଫର ମିଲିଟାରୀ ଆଣ୍ଡ ମିଲିଟାରୀ ଟେକ୍ନିକାଲ କୋଅପରେସନର ୨୨ତମ ବୈଠକ ହୋଇଥିଲା। ବୈଠକରେ ଭାରତ ପକ୍ଷରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ରୁଷ୍ ପକ୍ଷରୁ ଏହାର ପ୍ରତିରକ୍ଷା ମନ୍ତ୍ରୀ ଆନ୍ଦ୍ରେଇ ବେଲୋଉସୋଭ ନେତୃତ୍ବ ନେଇଥିଲେ।
Popular Categories
Previous article
Next article