ଭୁବନେଶ୍ୱର : ବିଶ୍ୱ କର୍କଟ ଦିବସ ଅବସରରେ ମଙ୍ଗଳବାର କ୍ୟାପିଟାଲ ହସ୍ପିଟାଲରେ ଭାରତୀୟ ହକି ଦଳର ଖେଳାଳିଙ୍କୁ ଦେଖିବାକୁ ମିଳିଥିଲା। କୋଣାର୍କ ଫାଉଣ୍ଡେସନ ପକ୍ଷରୁ କର୍କଟ ରୋଗ ସଚେତନତା କାର୍ୟ୍ୟକ୍ରମରେ ଭାରତୀୟ ହକି ଖେଳାଳି ସାମିଲ ହୋଇଥିଲେ। ଫାଉଣ୍ଡେସନର ମ୍ୟାନେଜିଂ ଟ୍ରଷ୍ଟି ଅରୂପ ପଟ୍ଟନାୟକ, ଭାରତୀୟ ହକି ଦଳର ସହ ପ୍ରଶିକ୍ଷକ ପୀୟୁଷ କୁମାର ଦୁବେ, କ୍ୟାପିଟାଲ ହସ୍ପିଟାଲ ନିର୍ଦେଶକ ଅଶୋକ କୁମାର ପଟ୍ଟନାୟକ, ଆପୋଲୋ ହସ୍ପିଟାଲର କର୍କଟ ବିଭାଗ ମୁଖ୍ୟ ଚିନ୍ମୟ କୁମାର ପାଣି, ସଂଗ୍ରାମ ପାଇକରାୟ, ଆକାଶ ଦାସନାୟକ, ରୁଦ୍ର ନାରାୟଣ ସାମନ୍ତରାୟ, ବିବେକାନନ୍ଦ ପଟ୍ଟନାୟକ, ପି.କେ.ରାୟ, ଅମରେଶ ଜେନା, ସୂର୍ୟ୍ୟକାନ୍ତୀ ଜେନା ଏବଂ ଫାଉଣ୍ଡେସନର କର୍ମକର୍ତ୍ତା ଉପସ୍ଥିତ ଥିଲେ। ଏହି ଅବସରରେ ହକି ଖେଳାଳି ଆକାଶଦୀପ୍ ସିଂହ, ବରୁଣ କୁମାର, ସିମ୍ରନଜିତ୍ ସିଂହ, ସୁମିତ, ସୂରଜ କେରକେରା, ଦୀପ୍ସାନ ତିର୍କୀ, ନୀଲମ ସଞ୍ଜୀପ ଖେସ୍, ଯଶ୍କରଣ ସିଂହ ପ୍ରମୁଖ କ୍ୟାପିଟାଲ ହସ୍ପିଟାଲ କର୍କଟ ୱାର୍ଡ ପରିଦର୍ଶନ କରି ରୋଗୀଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିବା ସହ ସେମାନଙ୍କୁ ଫଳ ବଣ୍ଟନ କରିଥିଲେ।
Popular Categories
Previous article
Next article