ଡେସ୍କ: ଆଇସିସି ଟେଷ୍ଟ ମାନ୍ୟତାରେ ଶୀର୍ଷ ସ୍ଥାନରେ ପହଂଚିବାକୁ ଭାରତ ଅଷ୍ଟ୍ରେଲିଆକୁ ପରାସ୍ତ କରିବା ପରେ କ୍ରିକେଟର ସମସ୍ତ ଫର୍ମାଟରେ ୧ ନମ୍ବର ମାନ୍ୟତା ହାସଲ କରିଛି। ଏହା ହେଉଛି ପ୍ରଥମ ଥର ଯେତେବେଳେ ଭାରତ ଏକାସାଙ୍ଗରେ ତିନୋଟି ଫର୍ମାଟରେ ଶୀର୍ଷ ମାନ୍ୟତା ହାସଲ କରିଛି। ଭାରତ ଟି-ଟ୍ୱେଣ୍ଟି ଏବଂ ଦିନିକିଆରେ ଶୀର୍ଷ ମାନ୍ୟତା ଦଳ ହୋଇସାରିଛି।
ନାଗପୁରରେ ଚାଲିଥିବା ବର୍ଡ଼ର -ଗାଭାସ୍କର ଟ୍ରଫିର ପ୍ରଥମ ଟେଷ୍ଟରେ ଅଷ୍ଟ୍ରେଲିଆକୁ ଇନିଂସ ଏବଂ ୧୩୨ରନରେ ପରାସ୍ତ କରିବା ପରେ ଭାରତ ଏହି ସଫଳତା ହାସଲ କରିଛି। ଭାରତର ବର୍ତ୍ତମାନ ୧୧୫ ରେଟିଂ ପଏଣ୍ଟ ରହିଛି ଏବଂ ୧୧୧ ରେଟିଂ ପଏଣ୍ଟ ସହିତ ଅଷ୍ଟ୍ରେଲିଆ ପଛରେ ରହିଛି।
- Advertisement -
ଚଳିତ ବର୍ଷ ଜୁନ୍ ମାସରେ ଇଂଲଣ୍ଡରେ ଅନୁଷ୍ଠିତ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବାକୁ ଭାରତକୁ ନୂଆଦିଲ୍ଲୀରେ ପରବର୍ତ୍ତୀ ଟେଷ୍ଟରେ ଅଷ୍ଟ୍ରେଲିଆକୁ ପରାସ୍ତ କରିବାକୁ ପଡିବ।
