ବେନୋନୀ : ୧୯ ବର୍ଷରୁ କମ୍ କ୍ରିକେଟ ବିଶ୍ବକପର ଫାଇନାଲ ଆଜି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଛି । ବେନୋନୀର ଭିଲୋମୁର ପାର୍କ ଷ୍ଟାଡିୟମରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିଛି । ଅଷ୍ଟ୍ରେଲିଆ ୩୩ ଓଭରରେ ୩ ଓ୍ବିକେଟରେ ୧୫୫ ରନ୍ କରିଛି । ହରଜିତ ସିଂହ ଏବଂ ଓ୍ବିକେଟକିପର ରୟାନ ହିକ୍ସ କ୍ରିଜରେ ଅଛନ୍ତି । ଉଭୟଙ୍କ ମଧ୍ୟରେ ପାର୍ଟନରସିପରେ ୫୦ ରନ୍ ହୋଇସାରିଛି ।
ହେରୀ ଡିକ୍ସନ ୪୨ ରନ୍ କରି ଆଉଟ ହୋଇଥିଲେ । ତାଙ୍କୁ ନମନ ତିଓ୍ବାରୀ ଅଭିଷେକଙ୍କ ହାତରେ କ୍ୟାଚ୍ କରାଇଲେ । ଏହା ନମନଙ୍କ ଦ୍ବିତୀୟ ଓ୍ବିକେଟ୍ । ୧୯ ବର୍ଷରୁ କମ୍ କ୍ରିକେଟ ବିଶ୍ବକପରେ ଭାରତ ଓ ଅଷ୍ଟ୍ରେଲିଆ ତୃତୀୟ ଥର ମୁହାଁମୁହିଁ ହେଉଛନ୍ତି । ପୂର୍ବରୁ ୨ ଥର ଟିମ୍ ଭାରତ ବିଜୟ ହାସଲ କରିଥିଲା । ୨୦୧୨ରେ ଭାରତ ୮ ଓ୍ବିକେଟରେ ଏବଂ ୨୦୧୮ରେ ୬ ଓ୍ବିକେଟରେ ଜିତିଥିଲା ।
