୨ୟ ଟେଷ୍ଟରେ ଭାରତର ୩ ୱିକେଟରେ ୨୭୩ ରନ୍
ପୁଣେ: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ପୁଣେରେ ଚାଲିଥିବା ଦ୍ୱିତୀୟ ଟେଷ୍ଟ କ୍ରିକେଟ୍ ମ୍ୟାଚ୍ର ପ୍ରଥମ ଦିନର ଖେଳ ଶେଷ ସୁଦ୍ଧା ଭାରତ ତା’ର ପ୍ରଥମ ଇନିଙ୍ଗ୍ସରେ ୩ ୱିକେଟ୍ ବିନିମୟରେ ୨୭୩ ରନ୍ ସଂଗ୍ରହ କରିଛି। ମୟଙ୍କ ଅଗ୍ରୱାଲ୍ ୧୦୮ ରନ୍ ସଂଗ୍ରହ କରିବା ସହ ତାଙ୍କ ଟେଷ୍ଟ କ୍ରିକେଟ୍ ଜୀବନର ଦ୍ୱିତୀୟ ଶତକ ହାସଲ କରିଥିବାବେଳେ ଚେତେଶ୍ୱର ପୂଜାରା ୫୮ ରନ୍ କରିଛନ୍ତି। କ୍ୟାପ୍ଟେନ୍ ବିରାଟ କୋହଲି ୬୩ ରନ୍ ଓ ଅଜିଙ୍କ୍ୟ ରାହାଣେ ୧୮ ରନ୍ କରି କ୍ରିଜରେ ଅଛନ୍ତି। ଖରାପ ଆଲୋକ ଯୋଗୁଁ ଖେଳକୁ ନିର୍ଦ୍ଧାରିତ ସମୟ ପୂର୍ବରୁ ବନ୍ଦ୍ କରାଯାଇଥିଲା।
ପୂର୍ବରୁ ଆଜି କୋହଲି କ୍ୟାପ୍ଟେନ୍ ଭାବେ ଆଜି ତାଙ୍କର ୫୦ ତମ ଟେଷ୍ଟ ମ୍ୟାଚ୍ ଖେଳିଛନ୍ତି। ଭାରତ ଟସ୍ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦକ୍ଷିଣ ଆଫ୍ରିକାର କାଗିସୋ ରାବାଡ଼ା ସମସ୍ତ ୩ଟିଯାକ ୱିକେଟ୍ ଅକ୍ତିଆର୍ କରିଛନ୍ତି। ୩ ମ୍ୟାଚ୍ ବିଶିଷ୍ଟ ଟେଷ୍ଟ ଶୃଙ୍ଖଳାରେ ଭାରତ ୧-୦ରେ ଅଗ୍ରଣୀ ରହିଛି।
Comments are closed.