ସମାଜ ଡିଜିଟାଲ ଡେସ୍କ: କ୍ୟାରିୟରର ପ୍ରଥମ ଅନ୍ତଜାର୍ତୀୟ ଟି-୨୦ମ୍ୟାଚରେ ଖାତା ଖୋଲିପାରିନଥିଲେ । କିନ୍ତୁ ଦ୍ୱିତୀୟ ମ୍ୟାଚରେ ଦମଦାର ପ୍ରଦର୍ଶନ କରି ୪୬ବଲରେ ଶତକ ହାସଲ କରିବା ସହ ଭାରତ ପାଇଁ ଏକ ବଡ ସ୍କୋର କରିଥିଲେ ଏହି ଖେଳାଳି । ଜିମ୍ବାୱେ ବିପକ୍ଷରେ ଖେଳାଯାଉଥିବା ଟି-୨୦ ମ୍ୟାଚରେ ଭାରତ ପକ୍ଷରୁ ବିସ୍ଫୋରକ ବ୍ୟାଟିଂ କରିଥିଲେ ଅଭିଷେକ ଶର୍ମା । ଅଧିନାୟକ ଶୁଭମନ ଗିଲଙ୍କ ସହ ଓପନିଂ କରିଥିଲେ ଅଭିଷେକ । ହେଲେ ଶୁଭମନ ଦ୍ୱିତୀୟ ବଲରେ ଆଉଟ ହେବା ପରେ ଦାୟିତ୍ୱ ସମ୍ଭାଳି ପଡିଆରେ ଅଭିଷେକ କରିଥିଲେ ଛକା ଚୌକା ବର୍ଷା । ୪୬ବଲରେ ୧୦୦ ରନ ହାସଲ କରିବା ସହ ଭାରତ ପାଇଁ ଦ୍ରୁତତମ ଶତକ ହାସଲ କରିଥିବା ଟପ୍-୩ ବ୍ୟାଟ୍ସମ୍ୟାନ ତାଲିକାରେ ନିଜକୁ ସାମିଲ କରିଛନ୍ତି । ଜିମ୍ବାୱେ ବିପକ୍ଷରେ ବିସ୍ଫୋରକ ବ୍ୟାଟିଂ କରି ଅଭିଷେକ ଶର୍ମା ୬ଟି ଛକା ମାରି ଖାତା ଖୋଲିଥିଲେ । ୨୩ବର୍ଷୀୟ ଅଭିଷେକ ମ୍ୟାଚ ଆରମ୍ଭରେ ସାବଧାନତାର ସହ ଖେଳିଥିଲେ । କିନ୍ତୁ ଥରେ ସେ ପିଚରେ ରହିବା ପରେ ଆରମ୍ଭ କରିଥିଲେ ରୋହିତଙ୍କ ଭଳି ଛକା ଚୌକା ବର୍ଷା । ସେହିପରି ରିଙ୍କୁ ସିଂହ ୨୨ବଲରୁ ୪୮ରନ୍ ଋତୁରାଜ ଗାଏକ୍ୱାଡ ୭୭ରନ କରି ୨୦ଓଭରରେ ଭାରତ ପାଇଁ ୨୩୪ରନର ବିଶାଳ ସ୍କୋର ହାସଲ କରିଥିଲେ ।
Popular Categories
Previous article
Next article