ବର୍ତ୍ତମାନ ସମୟରେ ପ୍ରତ୍ୟେକ ବୟସ ଓ ବର୍ଗର ଲୋକଙ୍କ ଶରୀରର ରୋଗପ୍ରତିରୋଧ ଶକ୍ତି ଭଲ ରହିବା ଆବଶ୍ୟକ। ଏବେଠାରୁ ନିଜ ଖାଦ୍ୟପାନୀୟ ବାବଦରେ ସତର୍କ ରହିବା ଜରୁରୀ। ଖାଦ୍ୟ ବିଶେଷଜ୍ଞଙ୍କ ମତରେ କେତୋଟି ସରଳ ଉପାୟ ପ୍ରତ୍ୟହ ପାଳନ କଲେ ଆମେ ଏକ ସୁସ୍ଥ ଜୀବନଶୈଳୀ ଅତିବାହିତ କରିପାରିବା।
– ନିୟମିତ ଭାବେ ଉଷୁମ ପାଣି ସେବନ କରନ୍ତୁ। ସମୟକ୍ରମେ ଏହାର ଉତ୍ତମ ପ୍ରଭାବ ଜାଣିପାରିବେ। ଫ୍ରିଜ୍ ପାଣି ଆଦୌ ପିଅନ୍ତୁନାହିଁ। ଅତ୍ୟଧିକ ଗରମ ଦିନେ ଆପଣ କଳ ପାଣିରେ ଅଳ୍ପ ଫ୍ରିଜ୍ ପାଣି ମିଶାଇ ପିଇପାରିବେ।
– ଶୁଦ୍ଧ ହଳଦୀ ଗୁଣ୍ଡ, ଜୀରା, ରସୁଣ, ଧନିଆ ପତ୍ରର ଉପଯୋଗ ବିଭିନ୍ନ ବ୍ୟଞ୍ଜନ ପ୍ରସ୍ତୁତିରେ ଉପଯୋଗ କରନ୍ତୁ।
– ପିଲା ଓ ଯୁବବର୍ଗ ପ୍ରତ୍ୟହ ୧୦ ଗ୍ରାମ୍ ଚ୍ୟବନପ୍ରାଶ ସକାଳ ଓ ସନ୍ଧ୍ୟାରେ ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ହିତକାରୀ।
– ଦିନକୁ ଥରେ କିମ୍ବା ଦୁଇଥର ଅଧ କପ୍ ନଖ ଉଷୁମ ଖିରରେ ୧ ଚାମଚ ଶୁଦ୍ଧ ହଳଦୀ ମିଶାଇ ପିଅନ୍ତୁ। ଏହା ଆପଣଙ୍କ ଶରୀର ନିମନ୍ତେ ମହୌଷଧି ଭଳି କାମ କରିବ।
– ଶୁଦ୍ଧ ନଡ଼ିଆ ତେଲ କିମ୍ବା ଦେଶୀ ଘିଅ ଗୋଟିଏ ବୁନ୍ଦା ଲେଖାଏଁ ନିଜ ନାକରେ ସକାଳବେଳା ପକାଇବା ଉଚିତ।
– ଏସବୁ ସହ ଘରେ ପ୍ରସ୍ତୁତ ଖାଦ୍ୟକୁ ଉଷୁମ କରି ଖାଇବା ସହ ପ୍ରତିଦିନ କିଛି ସମୟ ଚଲାବୁଲା କରନ୍ତୁ।
Comments are closed.