ଶ୍ରୀନଗର- ପାକିସ୍ତାନ ପଟୁ ଭାରତୀୟ ସୀମାକୁ କିଛି ସଶସ୍ତ୍ର ଆତଭ୍କବାଦୀ ପ୍ରବେଶ କରୁଥିବାର ଭିଡିଓ ଏବେ ଭାଇରାଲ୍ ହେଉଛି । ତିନିଜଣ ଆତଙ୍କବାଦୀ ଆଗ୍ନେୟାସ୍ତ୍ର ସହ ଭାରତ ଭିତରକୁ ପ୍ରବେଶ କରୁଥିଲେ । ସେଠାରେ ଲାଗିଥିବା ଅତ୍ୟାଧୁନିକ ବୈଦ୍ୟୁତିକ ନୀରିକ୍ଷଣ ଯନ୍ତ୍ରପାତି ସେମାନଙ୍କ ଗତିବିଧିକୁ କଏଦ କରିଥିଲା। ସେନାବାହିନୀ ପକ୍ଷରୁ ସେମାନଙ୍କ ଗତିବିଧି ଉପରେ ଲକ୍ଷ୍ୟ ରଖାଯାଇଥିଲା ।
#WATCH | Pakistani terrorists were trying to infiltrate into India from Uri sector on Aug 25. The terrorists were detected by electronic surveillance gadgets after specific intelligence inputs were received. 3 terrorists were eliminated by alert Army troops: Indian Army officials pic.twitter.com/ObsQ4eXQy5
— ANI (@ANI) August 26, 2022
ଭାରତୀୟ ସେନାର ଗୁଳିରେ ଏହି ଆତଙ୍କବାଦୀମାନେ ନିହତ ହୋଇଛନ୍ତି । ସେମାନଙ୍କ ମୃତ ଶରୀରକୁ ଜବତ କରାଯାଇଛି । ଏହି ଆତଙ୍କବାଦୀମାନଙ୍କ ଠାରୁ ଏକେ ରାଇଫଲ୍, ଚୀନ୍ ନିର୍ମିତ ଏମ୍-୧୬ ରାଇଫଲ୍ ସହ ଅନ୍ୟ ଆଗ୍ନେୟାସ୍ତ୍ର ଏବଂ ବିସ୍ଫୋରକ ଜବତ କରାଯାଇଛି ।
ଉରିରକମଲକୋଟ ସେକ୍ଟର ମଦିୟାନ ନାନକ ନିକଟରେ ସେନା ଏବଂ ବାରମୂଲା ପୁଲିସର ମିଳିତ ଅପରେସନ୍ରେ ଏହି ଆତଙ୍କବାଦୀମାନେ ନିହତ ହୋଇଥିଲେ ।
