ନୂଆଦିଲ୍ଲୀ – ଏବେ ପାକିସ୍ତାନର ପ୍ରଧାନମନ୍ତ୍ରୀ ଇମରାନ୍ ଖାନ୍ଙ୍କ ରାଗ ପଞ୍ଚମରେ । ସେ ରୁଷ୍ ୟୁକ୍ରେନ୍ ଯୁଦ୍ଧ ସମୟରେ ରୁଷ୍ ପରିଦର୍ଶନରେ ଯିବା ସହ ଆମେରିକା ବିରୋଧି ମନ୍ତବ୍ୟ ଦେଇଛନ୍ତି । ଆଫଗାନୀସ୍ତାନରେ ଆମେରିକାକୁ ସହାୟତା ଯୋଗାଇବା ବହୁତ ବଡ ଭୁଲ୍ ବୋଲି କହିଛନ୍ତି । ପାକିସ୍ତାନ ଆମେରିକାର କିଣା ଚାକର ନୁହଁ । ଆମେରିକା ଯାହା କହିବ ପାକିସ୍ତାନ ସେୟା କରିବ ବୋଲି ସେ ଉତ୍ତର ଦେଇଛନ୍ତି । ଏହାପରେ ପଶ୍ଚିମ ଦେଶମାନଙ୍କ ପକ୍ଷରୁ ଇମରାନ୍ ଖାନନ୍ଙ୍କୁ ନିନ୍ଦା କରାଯିବ ସହ ଏକ ପତ୍ର ଲେଖାଇଯାଇଛି ।
ଏହାପରେ ଇମରାନ୍ଙ୍କ ରାଗ ଆହୁରି ବଢିଯାଇଛି । ଭାରତ ସହ ଏପରି ବ୍ୟବହାର କରାଯାଉଛି ବୋଲି ସେ ପ୍ରଶ୍ନ କରିଛନ୍ତି । ଯେମିତି ଭାରତ ତାଙ୍କ ତଣ୍ଟିରେ କଣ୍ଟା ହୋଇ ଲାଗିଛି । ଯେଉଁଠାରେ ବି ଇମରାନ୍ କି ପାକିସ୍ତାନ ନିନ୍ଦିତ ହେଲେ ସେ ସିଧାସଳଖ ଭାରତ ଉପରକୁ ଅଙ୍ଗୁଳି ନିର୍ଦେଶ କରୁଛନ୍ତି । ତାଙ୍କ ଦେଶର ଭୁଲ୍ ଭଟକାକୁ ଅଣଦେଖା କରି ପାକିସ୍ତାନରେ ଶିକ୍ଷା ସ୍ୱାସ୍ଥ୍ୟରେ ବିକାଶ ନକରି ଅନ୍ୟରେ ଦୋଷ ଦେବାରେ ବ୍ୟସ୍ତ ।
