ଆଇସିସି ଟେଷ୍ଟ ମାନ୍ୟତା : ବ୍ୟାଟିଂରେ କୋହଲି ଏକ ନମ୍ବର, ବୋଲିଂରେ ଜାଡେଜା ୫ମ ସ୍ଥାନରେ

ଦୁବାଇ : ଆଇସିସି ଟେଷ୍ଟ ମାନ୍ୟତାରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏକ ନମ୍ବର ସ୍ଥାନ ବଜାୟ ରଖିଛନ୍ତି । ଆଇସିସି ପକ୍ଷରୁ ପ୍ରକାଶିତ ଟେଷ୍ଟ ମାନ୍ୟତାର ସଦ୍ୟ ବ୍ୟାଟିଂ ତାଲିକାରେ ଚେତେଶ୍ୱର ପୂଜାରା ତୃତୀୟ ସ୍ଥାନରେ ଅଛନ୍ତି । କୋହଲି ୯୯୨ ପଏଣ୍ଟ ସହିତ ପ୍ରଥମ ସ୍ଥାନରେ ଥିବାବେଳେ ନ୍ୟୁଜିଲ୍ୟାଣ୍ଡ ଅଧିନାୟକ କାନେ ୱିଲିୟାମ୍‍ସନ୍‍ ୮୯୭ ପଏଣ୍ଟ ସହ ଦ୍ୱିତୀୟ ସ୍ଥାନରେ ଅଛନ୍ତି। ପୂଜାରା ୮୮୧ ପଏଣ୍ଟ ସହିତ ତୃତୀୟ ସ୍ଥାନରେ ଅଛନ୍ତି। ଏହି ଦୁଇ ଜଣଙ୍କ ବ୍ୟତୀତ  ପ୍ରଥମ ୧୦ ଜଣଙ୍କ ମଧ୍ୟରେ ଭାରତର ଆଉ କୌଣସି ଖେଳାଳି ସ୍ଥାନ ପାଇ ନାହାନ୍ତି।

ଆଇସିସି ବୋଲର ତାଲିକାରେ ଅଷ୍ଟ୍ରେଲିଆର ପାଟ କୁମିନସ୍‍ ଏକ ନମ୍ବର ସ୍ଥାନରେ ଥିବା ବେଳେ ଭାରତର ରବୀନ୍ଦ୍ର ଜାଡେଜା ୭୯୪ ପଏଣ୍ଟ ସହିତ ୫ମ ସ୍ଥାନରେ ଅଛନ୍ତି। ସେହିପରି ଅଲ ରାଉଣ୍ଡର ତାଲିକାରେ ଜାଡେଜା ୩ୟ ସ୍ଥାନରେ ରହିଛନ୍ତି।