ହନୁମାନ ମନ୍ଦିରରୁ ଦାନବାକ୍ସ ଚୋରି
![](https://samajalive.in/wp-content/uploads/2021/12/Hundi-box-loot-480x430.jpg)
ରେଙ୍ଗାଲିକେମ୍ପ : ଅତାବିରା ବ୍ଲକ ଲାରାସରା ପଞ୍ଚାୟତର ଖଇରପାଲି ଗ୍ରାମରେ ରହିଥିବା ବହୁ ପୁରାତନ ହନୁମାନ ମନ୍ଦିରରୁ ବିଳମ୍ୱିତ ରାତ୍ରୀରେ ଚୋର ମାନେ ଗେଟ ଭାଙ୍ଗି ଦାନବାକ୍ସ ନେଇ ଚଂପଟ ମାରିଛନ୍ତି । ପ୍ରତିଦିନ ମନ୍ଦିରରେ ଲାଗିଥିବା ମାଇକରୁ ଭଜନ ଓ ଆରତୀ ଗୀତ ବାଜେ, ଗ୍ରାମର ଜଣେ ବ୍ୟକ୍ତି ପ୍ରତିଦିନ ଏହି ମାଇକ ବଜାଇବା କାମ କରନ୍ତି । ତେଣୁ ସେ ଆଜି ସକାଳେ ଯେତେବେଳେ ମାଇକ ବଜାଇବା ପାଇଁ ମନ୍ଦିରକୁ ଗଲେ ,ମନ୍ଦିରର ତାଲା ଭାଙ୍ଗି ପଡିଥିବା ଓ ଦାନବାକ୍ସ ଗାୟବ ହୋଇଥିବା ସେ ଦେଖିବାକୁ ପାଇଥିଲେ। ଏହି ଖବରଟି ସେ ଗ୍ରାମବାସୀଙ୍କୁ ଦେବା ପରେ ସମସ୍ତେ ଆସି ଦେଖିଥିଲେ। ଏହା ପରେ ଅତାବିରା ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି। ତେବେ ଥାନା ଅଧିକାରୀ ଅନିଲ ପ୍ରଧାନ ଏ ଉପରେ ଅଧିକ ଗୁରୁତ୍ବ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି । ଅତାବିରା ଅଞ୍ଚଳରେ ଛୋଟରୁ ବଡ଼ ଧରଣର ଅନେକ ପ୍ରକାର ଚୋରି ସାଙ୍ଗକୁ ଅତାବିରା ଦୁର୍ଗା ମନ୍ଦିରର ଚୋରି, ସରଣ୍ଡା ବିଶ୍ୱେଶ୍ଵର୍ ବାବା ମନ୍ଦିର ଚୋରି, ରେଙ୍ଗାଲି କ୍ୟାମ୍ପ ହନୁମାନ ମନ୍ଦିର ଚୋରି, ଭାଲୁ ପତ୍ରା ମନ୍ଦିର ଚୋରି ଆଦି ଅନେକ ଘଟଣା ଘଟିଥିଲେ ମଧ୍ୟ ଗୋଟିଏ ମଧ୍ୟ ମାମଲାର ପର୍ଦାଫାସ ହୋଇ ପାରି ନାହିଁ କି ଚୋର ଧରା ପଡ଼ି ନାହାନ୍ତି । ତେଣୁ ପୁଲିସ ଉପରୁ ଲୋକଙ୍କ ଆସ୍ଥା ତୁଟିଯାଇଛି।
Comments are closed.