ହସଖୁସିରେ ଚାଲି ଚାଲି ଯାଉଥିଲା ଝିଅ, ୫ ମହଲା କୋଠାରୁ ଖସି ଉପରେ ପଡ଼ିଲା କୁକୁର, ତା’ ପରେ…

ସମାଜ ଡିଜିଟାଲ ଡେସ୍କ: ମୃତ୍ୟୁ କାହା ପାଇଁ କେମିତି ଆଉ କେତେବେଳେ ଆସିବ ତାହା ପୂର୍ବାନୁମାନ କରିହୁଏ ନାହିଁ। ଏଭଳି ଅନେକ ଘଟଣା ଆମ ଆଖପାଖରେ ଦେଖିବାକୁ ମିଳିଥାଏ ଅଥବା ସାମାଜିକ ଗଣମାଧ୍ୟମରୁ ଜଣାପଡ଼ିଥାଏ। ଏମିତି ଏକ ଘଟଣା ଘଟିଛି ଏକ ୪ ବର୍ଷର ଶିଶୁ କ୍ଷେତ୍ରରେ। କ୍ଷଣିକ ମଧ୍ୟରେ ଶେଷ ହୋଇଯାଇଛି ହସଖୁସିର ମୁହୂର୍ତ୍ତ। ଏଭଳି ଏକ ଘଟଣା ସାମ୍ନାକୁ ଆସିଛି ମହାରାଷ୍ଟ୍ରର ଥାଣେ ସହରରେ।

In a shocking incident a 3-year-old girl lost her life after a pet dog fell on her from the 5th floor of a building while she was walking with her mother on a busy road in #Mumbra. The #dog survived but injured. ⁦@TOIMumbai⁩ pic.twitter.com/NzLWdCAKCK

— Nishikant Karlikar (@NishikantkTOI) August 7, 2024

ଥାଣେର ମୁମ୍ବରା ନିକଟରେ ମା’ ବାପାଙ୍କ ସହିତ ରହୁଥିଲେ ସାନା ଖାନ। ବୟସ ମାତ୍ର ୪ ବର୍ଷ। ମଙ୍ଗଳବାର ସେ ବଜାରରୁ ନିଜ ମା’ଙ୍କ ସହିତ ଚାଲି ଚାଲି ଘରକୁ ଫେରୁଥିଲେ। ଘର ନିକଟରେ ହଠାତ ଏକ ୫ ମହଲା କୋଠା ଉପରୁ ଗୋଟିଏ କୁକୁର ଖସି ସାନାଙ୍କ ଉପରେ ପଡ଼ିଥିଲା। ସାନା ତଳେ ଅଚେତ ହୋଇପଡ଼ିଯାଇଥିଲେ। ତାଙ୍କ ମା’ ହଠାତ କିଛି ବୁଝି ପାରି ନ ଥିଲେ। ରାସ୍ତାରେ ଯାତାୟତ କରୁଥିବା ଲୋ​‌କେ ବି କ’ଣ ଘଟିଲା କିଛି ଜାଣି ପାରି ନ ଥିଲେ। ସାନା ତଳେ ପଡ଼ିଥିଲେ, ପାଖରେ ପଡ଼ିଥିଲା ଏକ କୁକୁର। ମା’ ତୁରନ୍ତ ସାନାଙ୍କୁ ସେଠାରୁ ନେଇ ଡାକ୍ତରଖାନାକୁ ଯାଇଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା। ଅନ୍ୟପଟେ ଘଟଣାସ୍ଥଳରେ କୁକୁର କିଛି ସମୟ ଧରି ପଡ଼ି ରହିଥିଲା। ପରେ କୁକୁରଟି ଧୀରେ ଧୀରେ ଉଠି ଚାଲିବାକୁ ଲାଗିଥିଲା। କୁକୁରଟି ଗୁରୁତର ଆହତ ହୋଇଥିବା ସତ୍ବେ ତା’ର ଜୀବନ ବର୍ତ୍ତି ଯାଇଛି। ପୂରା ଘଟଣାର ଦୃଶ୍ୟ ନିକଟରେ ଲାଗିଥିବା ଏକ ସିସିଟିଭି କ୍ୟାମେରାରେ କଏଦ ହୋଇଛି, ଯାହା ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେବାରେ ଲାଗିଛି। ତେବେ କୁକୁରଟି କୋଠାରୁ ଡେଇଁ ପଡ଼ିଥିଲା ନା ତା’କୁ କେହି ତଳକୁ ଫିଙ୍ଗି ଦେଇଥିଲେ ତାହାର ତଦନ୍ତ କରୁଛି ପୁଲିସ।