ମଙ୍ଗଳବାର ରାଶିଫଳ (୧୪.୦୨.୨୦୨୩)

ମେଷ :  ପରିସ୍ଥିତିରେ ପଡ଼ି ନୈତିକ ମୂଲ୍ୟବୋଧର ଅଧପତନ ଘଟାଇ ପାରନ୍ତି। ନିକୃଷ୍ଟ ସଙ୍ଗ ପରିତ୍ୟାଗ କରିବାକୁ ପଡ଼ିବ। ସ୍ବାଭିମାନୀ ହେବେ। ବ୍ୟବସାୟ ଲାଭଜନକ ହେବ। ସାରାଦିନ ସତର୍କରେ ଚଳିବେ।

ବୃଷ : ସମ୍ବେଦନା ସହିତ ଯୋଡ଼ି ହେଲେ ସେବା ଭାବନା ସାର୍ଥକ ହେବ। ଗୃହସ୍ଥ ଧର୍ମରେ ପତ୍ନୀ ଉନ୍ମୁଖ ଥିବାରୁ ଆପଣଙ୍କ ଶୀତଳ ସ୍ପର୍ଶ ତାଙ୍କ ପାଇଁ ସୁଖଦାୟକ ହୋଇପାରେ। ସମାଜସେବୀଭାବେ ସମ୍ମାନିତ ହେବେ।

ମିଥୁନ : ଅବ୍ୟବସ୍ଥାର ସମ୍ମୁଖୀନ ହୋଇ ସୀମିତ ଖର୍ଚ୍ଚରେ ଗୁଜୁରାଣ ମେଣ୍ଟାଇ ପାରନ୍ତି। ସରଳ, ନିରୀହ, ନିରଳସ ବ୍ୟକ୍ତିବିଶେଷର ପରିଚୟ ସୃଷ୍ଟି କରିପାରନ୍ତି। ଚାକିରି କ୍ଷେତ୍ରରେ ବହୁ ସୁନାମ​ରେ‌ ଜଡ଼ିତ ହୋଇପାରନ୍ତି। ବାଣି​ଜ୍ୟେ‌ ଲାଭ।

କର୍କଟ : ସାହସୀ, ପ୍ରବାସୀ, ନ୍ୟାୟବାନ୍‌ ହେବା ସହିତ କ୍ରୋଧୀ, କଟୁଭାଷୀ ଓ ଧୈର୍ଯ୍ୟବାନ୍‌ ହୋଇପାରନ୍ତି। ଅସମ୍ଭବକୁ ସମ୍ଭବ କରିବାରେ ପାରଙ୍ଗମ ହେବେ। ପତ୍ନୀଙ୍କ ପ୍ରେରଣାରୁ ଶୀର୍ଷାସନ ମିଳିବ। କାବ୍ୟକର୍ତ୍ତା ହେବେ।

ସିଂହ : ଜ୍ୟୋତିର୍ମୟ ବ୍ୟକ୍ତିତ୍ବସମ୍ପନ୍ନ ହେବେ। କୃଷକ ବନ୍ଧୁ ଓ ଶିଶୁବତ୍ସଳ ଭାବେ ଜାତୀୟ ସ୍ତରରେ ସମ୍ମାନିତ ହୋଇପାରନ୍ତି। ଭାଷା ଅମୃତ ଆସ୍ବାଦନ ତୁଲ୍ୟ ହୋଇପାରେ। ବୁଝାମଣାରେ ଭୁଲ ଥିଲେ କ୍ଷମା ଆଚରି ପାରନ୍ତି।

କନ୍ୟା : ଜୀବଜଗତ ଓ ଉଦ୍ଭିଦଜଗତ ପାଇଁ ସ୍ନେହାନୁବନ୍ଧିତ ହୋଇପାରନ୍ତି। ଉଦ୍‌ଯୋଗ ନିତ୍ୟାଭ୍ୟାସ ଦ୍ବାରା ଉପୁଜିଥିବା ଆଳସ୍ୟକୁ ଦୂର କରି ପାରନ୍ତି। ରୁଚିକର ଭୋଜନ ମିଳିବ। ଈଶ୍ବରୀୟ ଚେତନାରେ ପ୍ରଲୁବ୍ଧ ହୋଇପାରନ୍ତି।

ତୁଳା : ସଂଯମପୂର୍ଣ୍ଣ ସତ୍‌ଚରିତ୍ରତାର ନିଦର୍ଶନ ହୋଇପାରନ୍ତି। ଦୈବୀ ବଳରେ ବଳୀୟାନ ହେବେ। ଲକ୍ଷ୍ମୀ ବରଦାୟିକା ଅଛନ୍ତି। ବିଭିନ୍ନ ସୂତ୍ରରୁ ଏପରି କି ବାଣିଜ୍ୟ କାରବାରରୁ ଧନରାଶି ଭଣ୍ଡାର ପରିପୂର୍ଣ୍ଣ କରିଦେଇପାରେ।

ବିଛା : ଖାଇ, ଖୁଆଇ ଆନନ୍ଦ ଉତ୍ସବରେ ନିଜକୁ ହଜାଇ ଶେଷରେ ସମ୍ମାନିତ ହେବେ। ଶ୍ରୀଚନ୍ଦ୍ର ଭୋଗ ହେତୁ ସ୍ବାସ୍ଥ୍ୟ ଉପଯୋଗୀ ରୁଚିକର ଭୋଜନ ମିଳିବ। ଚିନ୍ତାଧାରା ଗଗନସ୍ପର୍ଶୀ ହୋଇପାରେ। ସୁଖୀ ହେବେ।

ଧନୁ : ସତ୍‌ପରାୟଣ ହେବେ। ଅନୁଭୂତିରୁ ଉତ୍ପନ୍ନ ଜ୍ଞାନ, ଗରିମାମୟ ହେବ ଓ ଆପଣଙ୍କ ଜୀବନ ସତ୍ତାକୁ ଉଦ୍‌ଜୀବିତ କରି ରଖିବ। ସିଦ୍ଧିପ୍ରାପ୍ତ ପାଇଁ ଦେବାତ୍ମା ଗିରିରାଜ ହିମାଳୟଙ୍କ ଆମନ୍ତ୍ରଣ ରକ୍ଷା କରିବାକୁ ପଡ଼ିବ।

ମକର : ପରିବାରରୂପୀ ସଂସ୍କାରଶାଳାକୁ ପାଥେୟ କରି ଜୀବନ ଜୀବିକାରେ ଅନୁପ୍ରାଣିତ ହେଲେ ଉଚ୍ଚ ସମ୍ମାନର ପାତ୍ର ହୋଇପାରନ୍ତି। କରିତ୍‌କର୍ମା ବ୍ୟକ୍ତିଭାବେ ନିଜ ଗୋଷ୍ଠୀର ପରାମର୍ଶଦାତା ହେବେ।

କୁମ୍ଭ : ଅନ୍ତଃକରଣ ସ୍ବଚ୍ଛ ଓ ଶୁଦ୍ଧ ରଖି ନିଜର ଜ୍ଞାନ ଚକ୍ଷୁକୁ ଉନ୍ମିଳନ କରି ରଖିଛନ୍ତି। ସୌନ୍ଦର୍ଯ୍ୟପୂର୍ଣ୍ଣ ଅଭିବ୍ୟକ୍ତି, ଆପଣଙ୍କ ମୁଖ ନିଃସୃତ ହୋଇ ସାହିତ୍ୟ ଜଗତକୁ ଦିଗ୍‌ଦର୍ଶନ ଦେଉଛି। ଜ୍ଞାନପ୍ରଦୀପ ଜଳାଇ ରଖିବେ।

ମୀନ : ଭାଗ୍ୟ ବଳରେ ବଳୀୟାନ ହୋଇପାରନ୍ତି। ଜ୍ଞାନର ଆବେଗକୁ ବ୍ୟକ୍ତ କଲେ ସ୍ପଷ୍ଟବାଦୀ ହେବେ। ସତ୍‌ଚେତନା ସହିତ ଯୋଡ଼ି ହେଲେ ସେବାର ସାର୍ଥକତା ପରିସ୍ଫୁଟ ହେବ। କର୍ମକ୍ଷେତ୍ରରେ ସହଯୋଗ ମିଳିବ।