ନୂଆଦିଲ୍ଲୀ : ଅନର ଆଜି ନିଜ ପ୍ରଥମ ଫ୍ଲିପ୍ ଫୋନ୍ ବଜାରକୁ ନେଇଆସିଛି । ଏହାକୁ ଅନର ମ୍ୟାଜିକ୍ ଭି ଫ୍ଲିପ୍ ନାଁ ଦେଇଛି କମ୍ପାନୀ । ଏହା ସାମସଙ୍ଗ ଗ୍ୟାଲେକ୍ସି ଜେଡ୍ ଫ୍ଲିପ୍ ୫, ଓପୋ ଫାଇଣ୍ଡ ଏନ୍ ୩ ଫ୍ଲିପ୍, ଭିଭୋ ଏକ୍ସ ଫ୍ଲିପ୍ ଆଦିକୁ ଟକ୍କର ଦେବ । କୁହାଯାଉଛି ଅନ୍ୟ ଫ୍ଲିପ୍ ଫୋନ୍ ତୁଳନାରେ ଏଥିରେ ବଡ କଭର ସ୍କ୍ରିନ୍ ରହିଛି ।
ଏଥିରେ ୪ ଇଞ୍ଚର ବଡ କଭର ସ୍କ୍ରିନ୍ ରହିଛି । ଏହାର ଭିତର ସ୍କ୍ରିନ୍ ୬.୮ ଇଞ୍ଚ । ଏଥିରେ ୧୨୦ ହର୍ଜ ଏଲଟିପିଓ ଡିସପ୍ଲେ ଏବଂ ୨୫୦୦ ନିଟ୍ସ ପିକ୍ ବ୍ରାଇଟନେସ ରହିଛି । ଏହାର ସ୍କ୍ରିନର ରିଜୋଲ୍ୟୁସନ ୧.୫ କେ । ଫୋନରେ ଡୁଆଲ ଷ୍ଟେରିଓ ସ୍ପିକର ମିଳିବ । ଫୋନରେ ଫଟୋଗ୍ରାଫି ପାଇଁ ୫୦ ଏମପିର ସୋନି ଆଇଏମଏକ୍ସ୯୦୬ ମେନ୍ ସେନ୍ସର ଏବଂ ୧୨ ମେଗାପିକ୍ସେଲର ଅଲ୍ଟ୍ରା ଓ୍ବାଇଡ୍ ଲେନ୍ସ ରହିଛି । ସେଲ୍ଫି ପାଇଁ ଫୋନରେ ୫୦ ମେଗାପିକ୍ସେଲର ସେଲ୍ଫି କ୍ୟାମେରା ରହିଛି ।
ଫୋନରେ ସ୍ନାପଡ୍ରାଗନ ୮ ପ୍ଲସ ଜେନ୍ ୧ ପ୍ରୋସେସର ମିଳିବ । ଏଥିରେ ୧୨ ଜିବି ରାମ୍ ଓ ୧ ଟିବି ପର୍ଯ୍ୟନ୍ତ ଷ୍ଟୋରେଜ୍ ମିଳିବ । ଫୋନରେ ଚାର୍ଜିଂ ପାଇଁ ୪୮୦୦ ଏମଏଏଚର ବ୍ୟାଟେରୀ ରହିଛି । ଫୋନ୍ ଆଣ୍ଡ୍ରଏଡ୍ ୧୪ ଆଧାରିତ ଏବଂ ଏଥିରେ ଫାଷ୍ଟ ଚାର୍ଜିଂ ସପୋର୍ଟ ମିଳିବ । ଏହାର ୮ ଏବଂ ୨୫୬ ଜିବି ଭେରିଏଣ୍ଟର ଦାମ୍ ୫୭,୫୦୦ ଟଙ୍କା ଥିବାବେଳେ ଏହାର ୧୨ ଜିବି ଏବଂ ୫୧୨ ଜିବି ଭେରିଏଣ୍ଟର ଦାମ୍ ୬୩,୩୦୦ ଟଙ୍କା ରଖିଛି କମ୍ପାନୀ ।
Comments are closed.