କଟକ : ଆଇନଜୀବୀଙ୍କ ଆନ୍ଦୋଳନ ଜାରି ରହିବା ଫଳରେ ଜେଲରୁ ମୁକୁଳି ପାରୁ ନାହାନ୍ତି କଏଦୀ। ତେବେ କଏଦୀ ମାନଙ୍କୁ ମୁକୁଳାଇବା ପାଇଁ ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ପ୍ରତ୍ୟେକ ଜିଲାରେ ଥିବା ଜେଲ ମାନଙ୍କରେ ଅସ୍ଥାୟୀଭାବେ କ୍ୟାମ୍ପ କୋର୍ଟ କରି କଏଦୀ ମାନଙ୍କୁ ନ୍ୟାୟ ଦେବାପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହି କୋର୍ଟ କେବଳ ଜାମିନ ଉପରେ ଶୁଣାଣି କରିବ। ଏହି କୋର୍ଟ ଖୋଲିବାପାଇଁ ଜିଲା ସ୍ତରରେ ଥିବା ଆଇନ ସେବା ପ୍ରାଧିକରଣ ପକ୍ଷରୁ ସମସ୍ତ ପ୍ରକାର ପଦକ୍ଷପ ନିଆଯିବ। ଜିଲା ଆଇନ ସେବା ପ୍ରାଧିକରଣ ସଚିବ, ପାରା ଲିଗାଲ ସ୍ୱେଚ୍ଚାସେବୀ କ୍ୟାମ୍ପ କୋର୍ଟରେ ଉପସ୍ଥିତ ରହିବେ। କଏଦୀମାନେ ଜେଲ ଅଧିକାରୀଙ୍କ ଠାରେ ଜାମିନ ପାଇଁ ଦରଖାସ୍ତ କରିବେ। ଏହି ଦରଖାସ୍ତକୁ ଜେଲ ଅଧିକାରୀ ଅସ୍ଥାୟୀ କ୍ୟାମ୍ପରେ ପ୍ରଦାନ କରିବେ। ଏହାପରେ ଜାମିନ ଉପରେ ଶୁଣାଣି କରାଯାଇ ଜାମିନ ପ୍ରଦାନ କରାଯିବ।
Popular Categories
Previous article
Next article