ଭୁବନେଶ୍ବର : କରୋନା ମୁକାବିଲା ନେଇ ହାଇକୋର୍ଟରେ ବିଚାର ସମ୍ପର୍କିତ ନିର୍ଦ୍ଦେଶନାମା ଜାରି କରାଯାଇଛି । ଆଜି ଯେଉଁମାନଙ୍କର ଶୁଣାଣି ଥିଲେ ତାହାକୁ ସ୍ଥଗିତ ରଖାଯାଇଛି। ଆସନ୍ତା ୩୧ ପର୍ଯ୍ୟନ୍ତ ଆଉ କୌଣସି ମାମଲା ତାଲିକାଭୁକ୍ତ ହେବନାହିଁ । ଅତି ଗୁରୁତ୍ବ ପୂର୍ଣ୍ଣ ମାମଲା ହୋଇଥିଲେ ବିଚରା ବିଭାଗୀୟ ଡେପୁଟି ରେଜିଷ୍ଟ୍ରାରଙ୍କୁ ହ୍ବାଟସପ ଓ ଭିଡୁଓ କଲ ଜରିଆରେ ଡେପୁଟି ରେଜିଷ୍ଟ୍ରାରଙ୍କୁ ଜଣାଇପାରିବେ । ଆବଶ୍ୟକ ଅନୁସାରେ ରୋଟେସନ ଭିତ୍ତିରେ ଷ୍ଟାଫ ନିୟୋଜନ କରିବାକୁ ନିର୍ଦ୍ଦେଶ ଦିଆଯାଇଛି। ଆଜିଠୁ ୩୧ ତାରିଖ ପର୍ଯ୍ୟନ୍ତ ଏହି ନିର୍ଦ୍ଦେଶନାମା ଲାଗୁହେବା ନେଇ ରେଜିଷ୍ଟ୍ରାର ପକ୍ଷରୁ ସୂଚନା ଦିଆଯାଇଛି ।
ଅନ୍ୟପକ୍ଷରେ ନିମ୍ନକୋର୍ଟ ପାଇଁ ହାଇକୋର୍ଟ ମଧ୍ୟ ସର୍କୁଲାର ଜାରିକରିଛନ୍ତି । ଲକ ଡାଉନ ଘୋଷିତ ଜିଲା ଓ ପୌରାଞ୍ଚଳରେ କୋର୍ଟ ଦିନକୁ ଏକ ଘଣ୍ଟା ଲେଖାଏଁ ଖୋଲାଯିବ। ଲକଡାଉନ ଅଞ୍ଚଳରେ ଦିନ ୧୨ଟାରୁ ୧ଟା ପର୍ଯ୍ୟନ୍ତ କୋର୍ଟ କାର୍ଯ୍ୟ କରାଯିବ ବୋଲି ସ୍ଥିର କରାଯାଇଛି। ବେଲ ଓ ରିମାଣ୍ଡ ପରି ଗୁରୁତ୍ବପୂର୍ଣ୍ଣ ମାମଲାର ଶୁଣାଣି କରାଯିବ । କମ କର୍ମଚାରୀଙ୍କ ଦ୍ବାରା କାର୍ଯ୍ୟ କରି ଅପରହ୍ନା ୧ଟାରେ କୋର୍ଟ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ଯେଉଁ ଅଞ୍ଚଳକୁ ଲକଡାଉନ ଘୋଷଣା କରାଯାଇ ନାହିଁ ସେହି ଅଞ୍ଚଳରେ କୋର୍ଟ କାର୍ଯ୍ୟ ୨ ଘଣ୍ଟା ପର୍ଯ୍ୟନ୍ତ କରାଯିବ। । ଗୁରୁତ୍ବପୂର୍ଣ୍ଣ ଶୁଣାଣି ବେଳେ ଗହଳି ନ କରିବାକୁ ହାଇକୋର୍ଟ ପକ୍ଷରୁ ନିର୍ଦ୍ଦେଶ ଦିଆଯାଇଛି ।
