ସାଧାରଣତଃ ଆଜିକାଲି ଅନିୟମିତ ଜୀବନଶୈଳୀ ଓ ଖାଦ୍ୟ ପେୟ ପ୍ରତି ଧ୍ୟାନ ନ ଦେବା କାରଣରୁ ଆମକୁ ଅନେକ ମାରାତ୍ମକ ରୋଗ କବଳିତ କରୁଛି। ସେହି ସବୁ ମାରାତ୍ମକ ରୋଗ ମଧ୍ୟରୁ ହୃଦରୋଗ ଗୋଟିଏ। ହୃଦରୋଗୀମାନେ ନିଜ ପ୍ରତି ଅଧିକ ଯତ୍ନବାନ୍ ହେବା ଉଚିତ। ସମୟ ଥାଉ ଥାଉ ସଚେତନ ନ ହେଲେ ଏହି ରୋଗ ଆମ ଜୀବନ ମଧ୍ୟ ନେଇପାରେ। ହୃଦରୋଗୀମାନେ ଖାଦ୍ୟପେୟ ପ୍ରତି ବିଶେଷ ଯତ୍ନବାନ୍ ହେବା ଉଚିତ। ଖାସ୍ କାରି ୩ଟି ଖାଦ୍ୟ ପଦାର୍ଥଠାରୁ ଏମାନେ ଦୂରେଇ ରହିବା ଉଚିତ। ଏହି ୩ ଖାଦ୍ୟ ପଦାର୍ଥକୁ ଧଳା ବିଷ ବୋଲି ମଧ୍ୟ କୁହାଯାଏ। ଆସନ୍ତୁ ଜାଣିବା ସେଗୁଡ଼ିକ ବିଷୟରେ –
ଅଧିକ ଚିନିର ବ୍ୟବହାର: ହୃଦରୋଗୀଙ୍କ ପାଇଁ ଅଧିକ ଚିନି ସେବନ ଅତ୍ୟନ୍ତ କ୍ଷତିକାରକ ସାବ୍ୟସ୍ତ ହୋଇଥାଏ। ଚିନିର ବ୍ୟବହାର ଯଥା ସମ୍ଭବ କମ କରି ଏହା ବଦଳରେ ଆପଣ ଗୁଡ଼ର ବ୍ୟବହାର କରିପାରିବେ। ଗୁଡ଼ ପେଟ ଥଣ୍ଡା କରିବା ସହ ଶରୀରରେ ରକ୍ତ ସଂଚାଳନକୁ ମଧ୍ୟ ଠିକ ରଖିଥାଏ।
ଅଧିକ ଲୁଣର ବ୍ୟବହାର: ମାତ୍ରାଧିକ ଲୁଣ ସେବନ ଦ୍ବାରା ଉଚ୍ଚ ରକ୍ତଚାପ ସମସ୍ୟା ସୃଷ୍ଟି ହୋଇଥାଏ। ଯାହାଦ୍ୱାରା ହୃଦଘାତ ହେବାର ସମ୍ଭାବନା ବହୁ ଗୁଣ ବଢ଼ିଯାଇଥାଏ। ଏହାବ୍ୟତୀତ ଅଧିକ ଲୁଣ ସେବନ ଦ୍ବାରା ବୃକକ୍ ସମସ୍ୟା ମଧ୍ୟ ଦେଖା ଦେଇଥାଏ।
ମଇଦା: ସାଧାରଣତଃ ମଇଦା ସମସ୍ତଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ। ତେବେ ଯଦି ଆପଣ ହୃଦରୋଗୀ ତାହେଲେ ଆପଣଙ୍କ ପାଇଁ ଏହା ଅଧିକ ମାରାତ୍ମକ ହୋଇଥାଏ। ଖାଦ୍ୟରେ ମଇଦାର ଅଧିକ ବ୍ୟବହାର ଦ୍ବାରା ଶରୀରରେ କୋଲେଷ୍ଟ୍ରଲର ମାତ୍ରା ବୃଦ୍ଧି ପାଇଥାଏ। କୋଲେଷ୍ଟ୍ରଲ ଏକ ପ୍ରକାର ଫ୍ୟାଟ ହୋଇଥାଏ। ଯାହା ଧମନୀରେ ରାସ୍ତାକୁ ବନ୍ଦ କରିଦିଏ। ଫଳରେ ହୃଦଘାତ ଆଶଙ୍କା ବଢିଥାଏ।
