ଆମେ ପ୍ରତିଦିନ ଖାଦ୍ୟରେ ବିଭିନ୍ନ ପ୍ରକାରର ପୋଷକ ତତ୍ତ୍ବରେ ଭରପୂର ଖାଦ୍ୟଦ୍ରବ୍ୟ ଖାଇଥାଉ। ବେଳେବେଳେ ଶାଗ ମଧ୍ୟ ଖାଇଥାଉ। ଭିନ୍ନ ଭିନ୍ନ ଶାଗର ବିଭିନ୍ନ ଉପକାରିତା ରହିଛି। କଳମ ଶାଗକୁ ମଧ୍ୟ ଆମେ ଖାଇଥାଏ। ଏଥିରେ ଭିଟାମିନ ଅଧିକ ପରିମାଣରେ ରହିଛି। ପ୍ରତି ୧୦୦ଗ୍ରାମ କଳମ ଶାଗରେ ୪ଗ୍ରାମର କାର୍ବୋହାଇଡ୍ରେଟ, ୫ଗ୍ରାମର ପୁଷ୍ଟିସାର, ଭିଟାମିନ-ଏ, ଭିଟାମିନ-ସ ଓ ଲୌହ ଅଂଶ ରହିଛି। ଏହା ଶରୀର ପାଇଁ ଉପକାରୀ ଅଟେ। ଆସନ୍ତୁ ଜାଣିବା କଳମ ଶାଗର ଉପକାରିତା ସମ୍ବନ୍ଧରେ ..
କଳମ ଶାଗକୁ ସିଝାଇ ସେହି ପାଣି ପିଇବା ଦ୍ବାରା କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ।
ଏହି ଶାଗ ଖାଇବା ଦ୍ବାରା ମାନସିକ ଶାନ୍ତି ଲାଗିଥାଏ।
ଏହା ନିଦ୍ରାହୀନତା ଦୂର କରିବାରେ ସହାୟକ ହୋଇଥାଏ।
କଳମ ଶାଗରେ ଭିଟାମିନ-ଏ ଥିବାରୁ ଏହା ଚକ୍ଷୁ ପାଇଁ ଅତ୍ୟନ୍ତ ଉପକାରୀ ଅଟେ।
ଏହାକୁ ଖାଇବା ଦ୍ବାରା ହଜମ କ୍ରିୟା ନିୟନ୍ତ୍ରିତ ହୋଇଥାଏ।
ଏହାସହ ରକ୍ତ କଣିକାର ପରିମାଣ ମଧ୍ୟ ବୃଦ୍ଧି ପାଇଥାଏ।
ଯକୃତ ଜନିତ ସମସ୍ୟା ଥିବା ରୋଗୀମାନେ କଳମ ଶାଗ ଖାଇବା ଉଚିତ। ଏହା ସେମାନଙ୍କୁ ଯକୃତ ଜନିତ ସମସ୍ୟାରୁ ମୁକ୍ତି ଦେଇଥାଏ।
କଳମ ଶାଗ ଖାଇବା ଦ୍ବାରା କେଶ ଘନ ଓ ମୋଟା ହୋଇଥାଏ।
ଏହି ଶାଗ ଖାଇବା ଦ୍ବାରା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ହେବା ସହ କର୍କଟ ରୋଗରୁ ମୁକ୍ତି ମିଳିଥାଏ।
ଏହାଦ୍ବାରା ମୁହଁର ଚମକ ଓ ସୌନ୍ଦର୍ଯ୍ୟ ବୃଦ୍ଧି ପାଇଥାଏ।
Comments are closed.