ହରଭଙ୍ଗା : ସରକାର ଗରିବ ଜନସାଧାରଣଙ୍କୁ ମାଗଣାରେ ମେଡିକାଲ ପହଞ୍ଚାଇବା ପାଇଁ ୧୦୮ଆମ୍ବୁଲାନ୍ସ ସେବା କାର୍ଯ୍ୟକାରୀ କରିଛନ୍ତି। ମାତ୍ର ବୌଦ୍ଧଜିଲ୍ଲା ହରଭଙ୍ଗା ବ୍ଲକ ସଦର ମହକୁମା ଚାରି ଛକରେ ଥିବା ୧୦୮ ଆମ୍ବୁଲାନ୍ସ(ରୋଗୀ ବୁହାଗାଡି)ଟି ଦୀର୍ଘ ଏକ ମାସହେଲା ଅଚଳ ହୋଇ ପଡି ରହିଛି। ଗାଡିର ଇଞ୍ଜିନ ସିଜ ହୋଇଯାଇ ଥିବାବେଳେ ୪ଟିଯାକ ଚକାର ଅବସ୍ଥା ଅଚଳ ଅବସ୍ଥାରେ ରହିଛି। ଯାହା ଫଳରେ ଆମ୍ବୁଲାନ୍ସଟି ରୋଗୀ ସେବାରେ ଲାଗି ପାରୁ ନାହିଁ।
ପ୍ରକାଶ ଯେ ହରଭଙ୍ଗା ବ୍ଲକର ୨୨ପଞ୍ଚାୟତର ରୋଗୀକୁ ବିଭିନ୍ନ ସମୟରେ ମେଡିକାଲ ପହଞ୍ଚାଇବା ପାଇଁ ବ୍ଲକ ସଦର ମହକୁମାରେ ଏକ ଆମ୍ବୁଲାନ୍ସ ଗାଡି ଯୋଗାଇ ଦିଆଯାଇଥିଲା। ଏଥିପାଇଁ ୩ଜଣ ଚାଳକ ଏବଂ ଜଣେ ଫାର୍ମାସିଷ୍ଟ ନିୟୋଜିତ ଅଛନ୍ତି। ଏମାନଙ୍କ ରହିବା ପାଇଁ ବ୍ଲକ ପକ୍ଷରୁ ଏକ ଘର ଯୋଗାଇ ଦିଆଯାଇଛି। ମାତ୍ର ଆମ୍ବୁଲାନ୍ସଟି ସମ୍ପୂର୍ଣ୍ଣ ଅଚଳ ଯୋଗୁଁ ବର୍ତମାନ ରୋଗୀସେବା ପାଇଁ ହରଭଙ୍ଗା, ଆଠମଲ୍ଲିକ, ବୌଦ୍ଧ, ଖଜୁରୀପଡା ଆମ୍ବୁଲାନ୍ସ ଉପରେ ରୋଗୀ ନିର୍ଭର କରିବାକୁ ପଡୁଛି।ଅନ୍ୟପଟେ ବାହାର ଜିଲ୍ଲାରୁ ଆମ୍ବୁଲାନ୍ସ ଉପରେ ନିର୍ଭର ଯୋଗୁଁ ଗୁରୁତର ରୋଗୀକୁ ମେଡିକାଲ ପହଞ୍ଚାଇବାରେ ବିଳମ୍ବ ହେଉଛି। ରୋଗୀସେବାକୁ ତ୍ୱରାନ୍ୱିତକୁ ଦୃଷ୍ଟିରେ ରଖି ତୁରନ୍ତ ଆମ୍ବୁଲାନ୍ସ ମରାମତି ଦିଗରେ ବିଭାଗୀୟ କତୃପକ୍ଷ ଦୃଷ୍ଟିଦେବାକୁ ଦାବୀ ହେଉଛି।
Comments are closed.