ହରଭଙ୍ଗା: ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟରାଜପଥର ମାଧପୁର ଛକ ନିକଟରେ ଶନିବାର ସକାଳେ ଏକ ଲୁହା ବୋଝେଇ ଟ୍ରକ ସହିତ ଟାଟାଏସି ମୁହାଁମୁହିଁ ଧକ୍କା ହୋଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଟାଟାଏସି ଚାଳକ ଗୋଲେଖ ବେହେରା(୪୦)ଙ୍କ ମୃତ୍ୟୁ ଘଟିଥିବା ଜଣାପଡିଛି।ସୂଚନା ଅନୁସାରେ ଆଜି ସକାଳେ ଏହି ଜାତୀୟରାଜପଥ ଦେଇ ବୌଦ୍ଧ ପଟୁ ଏକ ଲୁହା ବୋଝେଇ ଟ୍ରକ ଭୁବନେଶ୍ୱର ଅଭିମୁଖେ ଯାଉଥିଲା।
ଏହି ସମୟରେ ବିପରୀତଦିଗ ମାଧପୁର ପଟୁ ରାଣିଗଞ୍ଜ ଅଭିମୁଖେ ଯାଉଥିବା ଏକ ଟାଟା ଏସି ଗାଡି ସହିତ ମୁହାଁ ମୁହିଁ ବାଡେଇହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାରେ ଟାଟାଏସି ଚାଳକଙ୍କ ମୃତ୍ୟୁକୁ ନେଇ ସ୍ଥାନୀୟଲୋକେ କ୍ଷତିପୂରଣଦାବୀରେ ଜାତୀୟ ରାଜପଥ ଅବରୋଧ କରିଥିଲେ।ଖବରପାଇ ହରଭଙ୍ଗା ତହସିଲଦାର ଶମ୍ଭୁଭୂଷଣ ମିଶ୍ର ଘଟଣାସ୍ଥଳରେ ପହଞ୍ଚି ରେଡକ୍ରସ ପାଣ୍ଠିରୁ ୧୦ହଜାର ଟଙ୍କା କ୍ଷତିପୂରଣ ଦେବାପରେ ରାସ୍ତାରୋକ ହଟିଥିଲା। ପୁରୁଣାକଟକ ପୁଲିସ ଘଟଣାର ଅଧିକ ତଦନ୍ତ ଚଳେଇଥିବା ଜଣାପଡିଛି।
Comments are closed.