ହରଭଙ୍ଗା: ବିନାକରଣରେ ଅଟକାଇଲେ । ନିସ୍ତୁକ ବି ପିଟିଲେ । ଖାଲି ପିଟିଲେନି ପିଟିପିଟି ଲହୁଲୁହାଣ ବି କଲେ । ଏପରି ଏକ ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ଅଞ୍ଚଳରେ । ପୁରୁଣା କଟକ ପୋଲିସ ବିନାକାରଣରେ ଜଣେ ପରିବା ଗାଡ଼ିର ଡ୍ରାଇଭାରକୁ ଅଟକାଇବା ସହ ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି । ସୂଚନା ଅନୁଯାୟୀ, ଗତକାଲି ରାତିରେ ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥର ପୁରୁଣାକଟକ ହାଇସ୍କୁଲ ନିକଟରେ ପୋଲିସର ନାଇଟ୍ ପେଟ୍ରୋଲିଂ ଚାଲିଥିଲା । ଆଉ ସେହି ସମୟରେ ରାୟପୁରର ବିଳାସପୁରରୁ ଏକ ମଟର ଛୁଇଁ ବୋଝେଇ ଗାଡ଼ି ଆସୁଥିଲା । ସେଠାରେ ଗାଡ଼ିଟିକୁ ଅଟକାଇବାକୁ ଚେଷ୍ଟା କରିଥିଲା ପୋଲିସ । ହେଲେ ଗାଡ଼ିଟି ଦ୍ରୁତ ଗତିରେ ଥିବାରୁ କିଛି ବାଟ ଚାଲିଯିବାପରେ ରହିଥିଲା । ଯାହାକୁ ନେଇ ପୋଲିସ ବାବୁମାନେ ଡ୍ରାଇଭର ଜଣଙ୍କୁ ନିସ୍ତୁକ ପିଟିଥିଲେ ।
ଡ୍ରାଇଭରଙ୍କ ଦୋଷ କହିଲେ ଗାଡ଼ିଟି କେବଳ ଦ୍ରୁତଗତିରେ ଥିଲା । ଆଉ ସେଥିପାଇଁ ପୋଲିସ ବାବୁ ମାନେ ଡ୍ରାଇଭର ଜଣଙ୍କୁ ମାଡ଼ ମାରିବା ସହ ରକ୍ତାକ୍ତ କାରିଥିଲେ । ଖାଲି ସେତିକି ନୁହେଁ ଡ୍ରାଇଭରଙ୍କ ନାଁରେ ମଧ୍ୟ ୧୦୦୦ଟଙ୍କାର ଚାଲାଣ କଟିଥିଲେ । ଏତିକିରେ ସରିନଥିଲା ବାବୁ ମାନଙ୍କର କାମ । ଫୋନରେ କାହିଁକି କଥା ହେଉଛୁ କହି ପୁଣି ବାଡାଇଥିଲେ । ଯାହାଫଳରେ ପୋଲିସଙ୍କ ମାଡ଼ରେ ଡ୍ରାଉଭରଙ୍କ ହାତ ଫାଟି ରକ୍ତ ବହାରୁଥିବା ମଧ୍ୟ ଦେଖିବାକୁ ମିଳିଥିଲା ।
