ଗୁରୁଡିଝାଟିଆ: ଚୋରା ଦେଶୀ ମଦ ରନ୍ଧନ ଓ ଚୋରା ଚାଲାଣ ପାଇଁ ଖୁଣ୍ଟୁଣୀ ଥାନା ଅଞ୍ଚଳ ରାଜ୍ୟରେ କୁଖ୍ୟାତୀ ଅର୍ଜ୍ଜନ କରିଛି। ଅବକାରୀ ବିଭାଗ ଓ ସ୍ଥାନୀୟ ପୁଲିସ ଚଢାଉ ଜାରି ରଖିଛନ୍ତି, ଦେଶୀ ଚୋରା ମଦ ଓ ପୋଚ ନଷ୍ଟ ହେଉଛି; କିନ୍ତୁ ମଦ ରନ୍ଧନ ବା ଚୋରା ଚାଲାଣ ବନ୍ଦ ହେଉନାହିଁ । ଆଜି ଜିଲା ଅବକାରୀ ଅଧିକ୍ଷକ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶ କ୍ରମେ ଆଠଗଡ ,ବାଙ୍କି, ଚୌଦ୍ଵାର, କଟକ ସହର ଓ ଖୁଣ୍ଟୁଣୀ ଥାନା ପୁଲିସର ମିଳିତ ଚଢାଉ କରାଯାଇଥିଲା । ଏହି ଚଢ଼ାଉ ସମୟରେ ୯୪୫ ଲିଟର ଚୋରା ଦେଶୀ ମଦ ଜବତ ହୋଇଥିଲା । ଏହାସହିତ ୭୮୦୫ ଲିଟର ମଦ ପ୍ରସ୍ତୁତ ପାଇଁ ବ୍ୟବହୁତ ହେବାକୁ ଥିବା ପୋଚକୁ ଅଡାଳ ଗାଁ ନିକଟରେ ଥିବା ସଂରକ୍ଷିତ ଜଙ୍ଗଲରୁ ଜବତ ହୋଇଥିଲା । ଅବକାରୀ ବିଭାଗ ପକ୍ଷରୁ ୩ ମକଦ୍ଦମା ରୁଜୁ କରାଯାଇଛି। ଅବକାରୀ ନୀରିକ୍ଷକ ରବିନାରାୟଣ ପ୍ରଧାନ, ନୀରିକ୍ଷକ ଅଭିରାମ ସାହୁ, ସୌମ୍ୟ ରଂଜନ ମାଝୀ, ଅଜିତ ପାତ୍ର, ବାପି ସାହୁ, ଅରୁଣ ଭୋଇଙ୍କ ସମେତ ସ୍ଥାନୀୟ ପୁଲିସ ଚଢାଉରେ ଅଂଶ ଗ୍ରହଣ କରିଥିଲେ।
Comments are closed.