ଗୁରୁଡିଝାଟିଆ: ସରକାରଙ୍କ ଧାନ ପଞ୍ଜୀକରଣ ନିୟମ ପ୍ରତିବାଦରେ ଆଜି ଓରନ୍ଦା ପଞ୍ଚାୟତ ବାଳି ପ୍ରାଥମିକ ସେବା ସମବାୟ ସମିତି ନିକଟରେ ବହୁ କୃଷକ ପ୍ରତିବାଦ କରିଥିଲେ। ସ୍ଥାନୀୟ ସେବା ସମବାୟ ସମିତି ଅଧିନରେ ବାସସ୍ଥାନ ଥିଲେ ମଧ୍ୟ ଚାଷଜମି ବାହାର ମୌଜାରେ ଥିବାରୁ କୃଷକମାନେ ପଞ୍ଜୀକରଣରୁ ବଞ୍ଚିତ ହେଉଛନ୍ତି। ପ୍ରତିବାଦକାରୀ କୃଷକ କହିଛନ୍ତି ଯେ ଆମେ ଯେଉଁ ଠାରେ ବସବାସ କରୁଛୁ ସେଠାରେ ପ୍ରାଥମିକ ସେବା ସମବାୟ ସମିତି ନିକଟରେ ଧାନ ବିକ୍ରୟ କରିବା ପାଇଁ ପଞ୍ଚିକରଣ କରିବୁ।
ଚାଷଜମି ଯେଉଁ ମୌଜାରେ ଥିଲେ ମଧ୍ୟ। ଫଳରେ କୃଷକଙ୍କୁ ବୁଝାଇବା ପାଇଁ ଉପଖଣ୍ଡ ଯୋଗାଣ ଅଧିକାରୀ ଜଗମୋହନ ଦାସ ଓ ଏଆରସିଏସ ବିଜେନ୍ଦ୍ର କୁମାର ମହାନ୍ତି ଘଟଣାସ୍ଥଳରେ ପହଞ୍ଚି ସରକାରଙ୍କ ନିୟମକୁ ପ୍ରାଞ୍ଜଳ ଭାବେ ବୁଝାଇବା ସହ ଏଥିରେ ସହଯୋଗ କରିବାକୁ ବୁଝାଇଥିଲେ। ଏହି ନିୟମ ଦ୍ୱାରା ପ୍ରକୃତ ଚାଷୀ ହିଁ ଚାଷକ୍ଷେତ ଥିବା ପ୍ରାଥମିକ ସେବା ସମବାୟ ସମିତି ନିକଟରେ ପଞ୍ଜୀ କରଣ କରିପାରିବ। ଏହାପରେ କୃଷକମାନେ ପ୍ରତିବାଦରୁ ଓହରି ଥିଲେ।
