ଗୁରୁଡିଝାଟିଆ: ଖୁଣ୍ଟୁଣୀସ୍ଥିତ ରାଧାନାଥ ବିଦ୍ୟାପୀଠରେ ଆଠଗଡ ବିକାଶ ମଞ୍ଚ ପକ୍ଷରୁ ତୁଣ୍ଡି, ବିଶୋଧକ, ଅମ୍ଲଜାନସ୍ତର ମାପିବା ଯନ୍ତ୍ର , ଉତ୍ତାପ ମାପିବା ଯନ୍ତ୍ର ଆଦି ବଣ୍ଟନ କରାଯାଇଛି। ମଞ୍ଚର ସଭାପତି ତଥା ସମାଜସେବୀ ମାନସ ବସ୍ତିଆ ଆଜି ବିଦ୍ୟାଳୟରେ ପହଞ୍ଚି ପ୍ରଧାନଶିକ୍ଷକ ସୌମେନ୍ଦ୍ର ପଣ୍ଡାଙ୍କୁ ଉପରୋକ୍ତ କରୋନା ପ୍ରତିହତ କରିବା ସାମଗ୍ରୀ ପ୍ରଦାନ କରିବା ସହିତ ବିଦ୍ୟାର୍ଥୀମାନେ ଯେଭଳି କରୋନା ନିୟମକୁ ମାନି ଚଳିବେ, ସେଥିପ୍ରତି ଦୃଷ୍ଟିଦେବା ସଂପର୍କରେ ମଧ୍ୟ ଆଲୋଚନା କରିଥିଲେ। ବରିଷ୍ଠ ଶିକ୍ଷୟିତ୍ରୀ ଶ୍ରଦ୍ଧାଞ୍ଜଳୀ ସାମଲ, ରମେଶ ଦାସଙ୍କ ସହିତ ବିଦ୍ୟାଳୟର ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀମାନେ ଉପସ୍ଥିତ ରହିଥିଲେ। ବିକାଶ ମଞ୍ଚର ଏଭଳି ମାନବୀୟ କାର୍ଯ୍ୟକୁ ଶିକ୍ଷାନୁଷ୍ଠାନ ପକ୍ଷରୁ ସାଧୁବାଦ ଜ୍ଞାପନ କରାଯାଇଛି।
Popular Categories
Previous article
Next article