ଗୁରୁଡିଝାଟିଆ: ସୋମବାରରେ ପବିତ୍ର ଶ୍ରାବଣ ମାସର ଦ୍ୱିତୀୟ ପ୍ରସିଦ୍ଧ ଶୈବପୀଠ ଧବଳେଶ୍ୱରରେ ୨୦ହଜାର କାଉଡିଆ ଆଜି ପ୍ରଭୁଙ୍କ ନିକଟରେ ଜଳଲାଗି କରିଛନ୍ତି। ସନ୍ଧ୍ୟାରୁ ପୀଠ କାଉଡିଆଙ୍କ ଉପସ୍ଥିତିରେ ଚଳଚଞ୍ଚଳ ହୋଇଉଠିଥିଲା। ଭୋରରୁ ହଜାର ହଜାର କାଉଡିଆ ପୀଠକୁ ଯିବା ପାଇଁ ଲମ୍ବାଧାଡି ଲଗାଇଥିଲେ। ଭିଡକୁ ନିୟନ୍ତ୍ରଣ କରିବା ପାଇଁ ଦେବୋତ୍ତର ଜାର୍ଯ୍ୟନିର୍ବାହୀ ଅଧିକାରୀ ତଥା ଆଠଗଡ ଉପଜିଲ୍ଲାପାଳ ହେମନ୍ତ କୁମାର ସ୍ୱାଇଁ ଓ ଅତିରିକ୍ତ ଜିଲା ଆରକ୍ଷୀ ଅଧିକ୍ଷକ କୃଷ୍ଣଚନ୍ଦ୍ର ପଟ୍ଟନାୟକ,ଆଠଗଡ ତହସିଲଦାର ପ୍ରିୟବ୍ରତ ଦାସ ଓ ବରିଷ୍ଠ ଅଧିକାରୀମାନେ ପୀଠରେ ଉପସ୍ଥିତ ରହି ସଜାଗ ଦୃଷ୍ଟି ଦେଇଥିଲେ। ରାତି ୨ଟାରୁ ମନ୍ଦିରର ପହଡ ଖୋଲାଯାଇ ସମସ୍ତ ନୀତିକାନ୍ତି ସଂପନ୍ନ ପରେ ଭୋଗ ମଣ୍ଡପ ନିକଟରେ ଥିବା ପ୍ରଭୂଙ୍କ ପ୍ରତିମୂର୍ତ୍ତିରେ ଶ୍ରଦ୍ଦାଳୁମାନେ ଜଳଲାଗି କରିଥିଲେ। ଉପଆରକ୍ଷୀ ଅଧିକ୍ଷକ ରଣଜିତ୍ ପୃଷ୍ଟି,ଦେବେନ୍ଦ୍ର ମଲ୍ଲିକ, ସୁପ୍ରସନ୍ନ ମଲ୍ଳିକ, ଚୌଦ୍ୱାର ଉପଖଣ୍ଡ ଆରକ୍ଷୀ ଅଧିକ୍ଷକ ସତ୍ୟବ୍ରତ ଲେଙ୍କା, ଗୁରୁଡିଝାଟିଆ ଥାନା ଅଧିକାରୀ ରଞ୍ଜନ କୁମାର ପ୍ରଧାନ ଓ ଫୋର୍ସମାନେ ଉପସ୍ଥିତ ରହି ଭିଡକୁ ନିୟନ୍ତ୍ରଣ କରିଥିଲେ।ଧବଳେଶ୍ୱର ପୂଜକ ସମିତିର କାର୍ଯ୍ୟକର୍ତ୍ତାମାନେ ଉପସ୍ଥିତ ରହି ଶୃଙ୍ଖଳିତ ଜଳଲାଗି ନିମନ୍ତେ ସମସ୍ତ ପ୍ରକାର ସହଯୋଗ ଯୋଗାଇଦେଇଥିଲେ।
Popular Categories
Previous article
Next article