ଗୁଣପୁର: ବିକ୍ରମପୁର ସ୍ଥିତ ଏସବିଆଇ ଏଟିଏମରୁ ଗତ ୧୨ ତାରିଖରେ ଟଙ୍କା ଚୋରି ହୋଇଥିବା ଅଭିଯୋଗ ହୋଇଥିଲା। ଏହି ଘଟଣାରେ ପୁଲିସ ସିସି ଟିଭିର ଫୁଟେଜକୁ ଆଧାର କରି ଜଣଙ୍କୁ ଗିରଫ କରିଛନ୍ତି। ଅଭିଯୁକ୍ତ ଜଣଙ୍କ ହେଲେ ଆନ୍ଧ୍ର ପ୍ରଦେଶ ବାତ୍ତିଲି ଗ୍ରାମର ପି.ନାଗୁ ରାମକ୍ରିଷ୍ଣାରାଜୁ। ତାଙ୍କ ନିକଟରୁ ୬୦ ହଜାର ଟଙ୍କା ମଧ୍ୟ ଜବତ କରାଯାଇଥିବା ପୋଲିସ ପକ୍ଷରୁ ସୁଚନା ପ୍ରଦାନ କରାଯାଇଛି। ଉଲେଖଯୋଗ୍ୟ ବିକ୍ରମପୁର ଅଞ୍ଚଳର ଜି.ଉପେନ୍ଦ୍ର ଟଙ୍କାଧରି ଏଟିଏମରେ ଜମା ଦେବା ପାଇଁ ଯାଇଥିଲେ। ଏହି ସମୟରେ ଫୋନ ଆସିବାରୁ ବ୍ୟସ୍ଥତା ମଧ୍ୟରେ ଏଟିଏମ ଉପରେ ଟଙ୍କା ରଖି କଥା ହେବାକୁ ବାହାରକୁ ଆସି ଯାଇଥିଲେ। ଏହି ସମୟରେ ଜଣେ ଅଜଣା ବ୍ୟକ୍ତି ଏଟିଏମକୁ ଆସିଥିଲେ। ଟଙ୍କା ଉଠାଇବା ସହ ଏଟିଏମ ଉପରେ ଥିବା ଟଙ୍କା ସହ ସେଥିରେ ଥିବା ଏଟିଏମ କାର୍ଡକୁ ମଧ୍ୟ ନେଇଯାଇଥିଲେ। ଏହି ଘଟଣା ପରେ ଉପେନ୍ଦ୍ର ଥାନାରେ ଅଭିଯୋଗ କରିଥିଲେ। ସିସି ଟିଭିକୁ ଫୁଟେଜକୁ ଆଧାର କରି ପୁଲିସ ତଦନ୍ତ କରି ବାତ୍ତିଲି ଗ୍ରାମର ପି.ନାଗୁଙ୍କୁ ଗିରଫ କରାଯାଇଥିବା ସହ ଜବତ ଟଙ୍କା ପ୍ରଦାନ କରାଯାଇଥିବା ଆଇଆଇସି ଯଶବନ୍ତ ହିଆଲ ସୂଚନା ପ୍ରଦାନ କରିଛନ୍ତି।
Popular Categories
Previous article
Next article