ଗୁଡଭେଲା/ତୁଷୁରା: ତୁଷୁରା ଥାନା ଅନ୍ତର୍ଗତ ମହିପୁର ଗାଁରେ ଆଦିବାସୀ ଯୁବକ ଦିବ୍ୟସିଂ ଭୋଇଙ୍କୁ ନିଜ ସ୍ତ୍ରୀ ହତ୍ୟା କରି ଜେଲ ଯିବା ଜଣାପଡିବା ପରେ ଏହି ଘଟଣାକୁ ନେଇ ଅସନ୍ତୋଷ ପ୍ରକାଶ କରିଛି ଜିଲ୍ଲା ଆଦିବାସୀ କଲ୍ୟାଣ ସଂଘ । ହତ୍ୟାର ଶିକାର ହୋଇଥିବା ଯୁବକଙ୍କ ପରିବାରକୁ ଭେଟି କିଭଳି ଭାବରେ ହତ୍ୟାକାଣ୍ଡ ଘଟିଛି ଏହାରି ପଛରେ ଜମିଜାଲିଆତି ସମ୍ପୃକ୍ତ ଅଛି କି ବୋଲି ଜିଲ୍ଲା ଆଦିବାସୀ କଲ୍ୟାଣ ସଂଘର ଏକ ପ୍ରତିନିଧି ଦଳ ପରିବାର ଲୋକଙ୍କଙ୍କୁ ଭେଟି ଆଲୋଚନା କରିଥିବା ଜଣାପଡ଼ିଛି ।
ଏହି ପ୍ରତିନିଧି ଦଳରେ ଜିଲ୍ଲା ଆଦିବାସୀ କଲ୍ୟାଣ ସଂଘର କାର୍ଯ୍ୟକାରି ସଭାପତି ବନଲତା ମାଝୀ, ସଂଯୋଜକ ଥବିର ପୂଜାରୀ, ଗୁଡ଼ଭେଲା ବ୍ଳକ ଉପସଭାପତି ବନମାଳି କୁଅଁର, ସମ୍ପାଦକ ବିଦୁଭୂଷଣ ମାଝୀ ସାମିଲ ହୋଇଥିଲେ । ଏହି ଘଟଣାକୁ ନେଇ ଜିଲ୍ଲା ଆଦିବାସୀ କଲ୍ୟାଣ ସଂଘର ଉପସଭାପତି ନିଜ ପ୍ରତିକ୍ରିୟାରେ ଜଣେ ନାରୀ ଏପରି ଏକ ଜଘନ୍ୟ ହତ୍ୟାକାଣ୍ଡ ରଚିବା ସମ୍ଭବ ନୁହେଁ । ଆଗରୁ ଏକ ଜମି ମାମଲାକୁ ନେଇ ଦିବ୍ୟସିଂଙ୍କ ପରିବାର ସହ ଝଗଡା ହୋଇଥିବା ସୂଚନା ମିଳିଛି ।କେହି ଷଡଯନ୍ତ୍ର କରି ହତ୍ୟା କରିଥାଇ ପରେ ଆଗକୁ ସଂଘ ଏଦିଗରେ କଠୋର ପଦକ୍ଷେପ ନେଇ ନ୍ୟାୟ ପାଇଁ ଲଢେ଼ଇ କରବ ବୋଲି ଶ୍ରୀମତୀ ମାଝୀ ପ୍ରକାର କରିଥିଲେ ।
ସୂଚନାଯୋଗ୍ୟ ମହିପୁର ଗାଁର ଦିବ୍ୟସିଂ ଭୋଇଙ୍କୁ ଗତ ୨୨ ତାରିଖ ଶନିବାର ରାତିରେ କୁରାଢ଼ୀରେ ମାରି ତାଙ୍କ ସ୍ତ୍ରୀ ହତ୍ୟା କରିବା ଘଟଣା ଜଣାପଡିବା ପରେ ତୁଷୁରା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା । ଏବେ ଏହି ଘଟଣା ରେ ସ୍ତ୍ରୀ ଜେଲ ଯିବା ପରେ ଭିନ୍ନ ଭିନ୍ନ କଥା ଆଲୋଚନା ହେଉଛି।
Comments are closed.