ମୁମ୍ବଇ : ବଲିଉଡ଼ର ପ୍ରସିଦ୍ଧ ଅଭିନେତା ଗୋବିନ୍ଦାଙ୍କ ପୁଅ ୟଶବର୍ଦ୍ଧନ ଖୁବଶୀଘ୍ର ବଲିଉଡ଼ରେ ପାଦ ଥାପିବାକୁ ଯାଉଛନ୍ତି। ଏନେଇ ସାମାଜିକ ଗଣମାଧ୍ୟମ ଜରିଆରେ ନିଜେ ୟଶ ସମ୍ୟକ୍ ଧାରଣା ଦେଇଛନ୍ତି। ସେ ସାମାଜିକ ଗଣମାଧ୍ୟମରେ ଏକ ଫଟୋ ଶେୟାର କରିଛନ୍ତି। ଯେଉଁଥିରେ ସେ କିଛି ପଢୁଥିବାର ଦେଖିବାକୁ ମିଳିଛି। ଏବେ ସେ ସ୍କ୍ରିପ୍ଟ ପଢୁଛନ୍ତି ଓ ଶୀଘ୍ର ସିନେଜଗତରେ ପାଦ ଦେବେ ବୋଲି ଏହି ଫଟୋ ଦେଖି ଅନୁମାନ କରାଯାଉଛି।
ମିଳିଥିବା ଖବର ସୂଚନା ଅନୁସାରେ, ୟଶବର୍ଦ୍ଧନ୍ ବଲିଉଡକୁ ଆସିବା ପାଇଁ ବର୍ତ୍ତମାନ ପ୍ରଶିକ୍ଷଣ ନେଉଛନ୍ତି। ପ୍ରଥମେ ସେ ପ୍ରଯୋଜନା କ୍ଷେତ୍ରରେ ପ୍ରବେଶ କରିବାକୁ ନେଇ ଚର୍ଚ୍ଚା ହେଉଥିବା ବେଳେ ଏବେ ସେ ଅଭିନୟ ପ୍ରତି ମନ ବଳାଇଥିବା ଜଣାପଡ଼ିଛି। ଏବେ ୟଶବର୍ଦ୍ଧନ୍ ସାମାଜିକ ଗଣମାଧ୍ୟମରେ ମଧ୍ୟ ଖୁବ୍ ସକ୍ରିୟ ରହୁଥିବା ଦେଖିବାକୁ ମିଳିଛି।