ଗୋପାଳପୁର : ଗୋଳନ୍ଥରା ଥାନା ଅନ୍ତର୍ଗତ ଗୋବିନ୍ଦପୁରରେ ଜନୈକ ବ୍ୟକ୍ତି ବେଆଇନ ଭାବେ ବାଣ ବିକ୍ରି କରୁଥିବା ଅଭିଯୋଗରେ ପୁଲିସ ଅଭିଯୁକ୍ତକୁ ଗିରଫ କରିବା ସହ ବାଣ ଜବତ କରିଛି। ଗିରଫ ଅଭିଯୁକ୍ତ ଜଣଙ୍କ ସିଏଚ ରାମୁ ରେଡ୍ଡୀ ବୋଲି ପୁଲିସ ସୂଚନା ଦେଇଛି। ଏହା ସହ ୬୦ ହଜାର ଟଙ୍କା ବାଣ ଜବତ କରିଥିବା ଆଇଆଇସି ବିବେକାନନ୍ଦ ମହନ୍ତ ସୂଚନା ଦେଇଛନ୍ତି। ଏକ ବିଶ୍ବସ୍ତ ସୂତ୍ରରୁ ଖବର ପାଇ ନିଜେ ଆଇଆଇସି ବିବେକାନନ୍ଦ ମହନ୍ତ ଏକ ଟିମ ଗଠନ କରି ରାମୁ ରେଡ୍ଡୀଙ୍କ ଏକ ଦୋକାନ ଘର ଉପରେ ଚଢାଉ କରି ଉକ୍ତ ବାଣ ଜବତ କରିଥିଲେ। ଗତ କିଛି ବର୍ଷ ଧରି ଅଭିଯୁକ୍ତ ଜଣଙ୍କ ବେଆଇନ ଭାବେ ବାଣ ରଖି ବ୍ୟବସାୟ କରି ଆସୁଥିଲେ।
Comments are closed.