ଗୋପାଳପୁର: ଯୋଗାଣ ବିଭାଗ ଗୋଦାମରେ କର୍ମଚାରୀ ଙ୍କ ଦ୍ବାରା ଚାଉଳ ଚୋରି! ଗୋପାଳପୁର ଏନଏସି ସମେତ ବ୍ରହ୍ମପୁର ମହାନଗର ନିଗମ ର ଜନ ସାଧାରଣଙ୍କୁ କେନ୍ଦ୍ର ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା ରାସନ୍ ସାମଗ୍ରୀ କୁ ଯୋଗାଣ ବିଭାଗ ର ଗୋଦାମ ରେ କାମ କରୁଥିବା କର୍ମଚାରୀ ଙ୍କ ଦ୍ବାରା ଚୋରୀ ହୋଇଥିବା ଅଭିଯୋଗ ହୋଇଛି। ଯାହାର ଏକ ଭିଡ଼ିଓ ସୋସିଆଲ ମିଡ଼ିଆ ରେ ଭାଇରାଲ ହେଉଛି। ଏହି ଭିଡିଓ ଟି ଦାସପୁରଠାରେ ଥିବା ଯୋଗାଣ ବିଭାଗ ଗୋଦାମ ର ବୋଲି ଦାବି କରା ଯାଉଥିବାବେଳେ ତଦନ୍ତ କରାଗଲେ , ପ୍ରକୃତ ଘଟଣା ଜଣାପଡିବ । ଭିଡିଓଟିରେ ଦେଖିବାକୁ ମିଳିଛି ଯେ , କିଛି କର୍ମଚାରୀ ହାତରେ ଧାରୁଆ ଅସ୍ତ୍ର ଧରି ସେଠାରେ ଗଛିତ ରହିଥିବା ଚାଉଳ ବସ୍ତା କୁ ଚିରି ସେଥିରୁ ଚାଉଳ ଚୋରି କରୁଛନ୍ତି। ଏଫସିଆଇ ଗୋଦାମରୁ ଯୋଗାଣ ବିଭାଗ ଗୋଦାମ କୁ ୫୦ କେଜି ଓଜନର ଚାଉଳ ବସ୍ତା ପଠାଯାଇଥାଏ। ଏହାକୁ ଗୋଦାମରେ ରଖିବା ପରେ ବ୍ରହ୍ମପୁର ସହର , ଗୋପାଳପୁର ଏନଏସି ସମେତ ରଙ୍ଗେଇଲୁଣ୍ଡା ର ବିଭିନ୍ନ ଖାଉଟି କଣ୍ଟ୍ରୋଲ ଷ୍ଟୋର ସହ ବିଭିନ୍ନ ପଞ୍ଚାୟତ କୁ ଚାଉଳ ଯୋଗାଣ ହୋଇଥାଏ। ଗତ କିଛି ବର୍ଷ ହେଲା ଯୋଗାଣ ବିଭାଗ ଗୋଦାମ ରୁ ଆସୁଥିବା ଚାଉଳ ବସ୍ତା ରେ ୨ କେଜି ରୁ ୫ କେଜି ଚାଉଳ କମ ରହୁଥିବା ଅଭିଯୋଗ ହେଉଥିଲେ ମଧ୍ୟ ଏ ନେଇ କୈାଣସି ଅଭିଯୋଗ ହେଉନଥିଲା। କିନ୍ତୁ ଭାଇରାଲ ହେଉଥିବା ଭିଡିଓ ରେ ଚାଉଳ ଲୁଟ କଥା ଜଣା ପଡିବା ପରେ ଅଭିଯୋଗ ର ସତ୍ୟାସତ୍ୟ ରହିଥିବା ଆଲୋଚନା ହେଉଛି। ବିଭାଗ ପକ୍ଷରୁ ଏହାର ତଦନ୍ତ କଲେ, ପ୍ରକୃତ ସତ୍ୟାସତ୍ୟ ଜଣାପଡ଼ିବ ବୋଲି ସାଧାରଣରେ ଆଲୋଚନା ହେଉଛି।
Comments are closed.