ନବରଙ୍ଗପୁର : ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ରତାଖଣ୍ଡି ଗ୍ରାମର ଏକ ନାବାଳିକା ଗୁରୁବାର ଘରୁ ନିଖୋଜ ହୋଇଥିବା ବେଳେ ଶୁକ୍ରବାର ତ୍ରିପୁରା ଚାଲାଣ ବେଳେ ବଡ଼ ଭଉଣୀ ଉଦ୍ଧାର କରିଛି । ନାବାଳିକାକୁ ପ୍ରଲୋଭନ ଦେଖାଇ ବିନା ଅଭିଭାବକଙ୍କର ପରାମର୍ଶ ନେଇଯାଉଥିବା ନେଇ ଭଉଣୀ ମଇଦଲପୁର ଫାଣ୍ଡିରେ ଏତଲା ଦେଇଛନ୍ତି । ଖବର ପାଇ ଜିଲ୍ଲା ଶ୍ରମ ଅଧିକାରୀ ନରେନ୍ଦ୍ର ଗାଇପାଇ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି । ସୂଚନା ମୁତାବକ ରତାଖଣ୍ଡି ଗ୍ରାମର ନାବାଳିକା ଜଣକ ନିଖୋଜ ଥିବା ପରିବାର ଲୋକ ଜାଣିବାକୁ ପାଇଥିଲେ । ବହୁ ଖୋଜା ଖୋଜି ପରେ ବି ପାଇନଥିଲେ । ଗ୍ରାମର ଦୁଇ ଜଣ ବାଳିକା ସହ ନାବାଳିକା ସିଲେଇ ତାଲିମ ପାଇଁ ତ୍ରିପୁରା ଯାଇଥିବା ଜାଣିବାକୁ ପାଇଥିଲେ । ବଡ ଭଉଣୀ ନମିତା ଗଣ୍ଡ ଏନେଇ ଜାଣିବା ପରେ ଚାଲାଣ ହେଉଥିବା ବସ୍କୁ ଖୋଜାଖୋଜି କରିଥିଲେ । ନମିତା ଉମରକୋଟ ଠାରେ ରହି ସିଂସାରୀ ଓ ପରେ ବୋକାବଣ୍ଡ ଯାଇଥିଲେ । କିନ୍ତୁ ବସଟିକୁ ପାଇ ନ ଥିଲେ । ପରେ ଉକ୍ତ ଦଲାଲକୁ ବାରମ୍ବାର ଫୋନ କରିବାରୁ ସେ ଫୋନ ଉଠାଇନଥିଲା। ଶେଷରେ ପାପଡାହାଣ୍ଡି ବ୍ଲକ ନୂଆକୋଟ ନିକଟରେ ବସ ଥିବା ଜାଣି ନମିତା ପହଂଚି ଥିଲେ । ବସଟି ଏକ କାଜୁ ବାଡ଼ ଭିତରେ ଦେଖିଥିଲେ । କିନ୍ତୁ ସେଠାରେ ବି ନାବାଳିକା ଭଉଣୀକୁ ପାଇ ନ ଥିଲେ । ନୂଆକୋଟ ପଂଚାୟତର କସରାଭାଟା ଗ୍ରାମର ଏକ ଘରୁ ଭଉଣୀକୁ ଉଦ୍ଧାର କରିଥିଲେ । ନାବାଳିକା ଜଣକ ଟଙ୍କା ପ୍ରଲୋଭନ ଦେଇ ତାକୁ ନିଆ ଯାଉଥିଲା ବୋଲି କହିଛନ୍ତି । ନାମିତ ଗଣ୍ଡ ଏନେଇ ମଇ ଦଲପୁର ଫାଣ୍ଡିରେ ଏତଲା ଦେଇଛନ୍ତି । ଖବର ପାଇ ଜିଲ୍ଲା ଶ୍ରମ ଅଧିକାରୀ ନରେନ୍ଦ୍ର ଗାଈପାଇ ପହଂଚି ଛନ୍ତି । ୪୭ ଜଣ ଶ୍ରମିକ ଉଦ୍ଧାର କରିବା ସହ ତଦନ୍ତ ଜାରି ରଖିଛନ୍ତି । କେଉଁ ଉଦେଶ୍ୟରେ ଅଭିଭାବକଙ୍କୁ ନ ଜଣାଇ ଚାଲାଣ କରାଯାଉଥିଲା ତାହାର ତଦନ୍ତ ଦାବି କରିଛନ୍ତି ନମିତା ।
Popular Categories
Previous article
Next article