ସମାଜ ଡିଜିଟାଲ ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେପ୍ଟେମ୍ବର ୧୭ ତାରିଖରେ ୭୪ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ଦେଶ ବିଦେଶରୁ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛାର ସୁଅ ଛୁଟିଛି। ତେବେ ସବୁଠୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି ଜଣେ ୧୩ ବର୍ଷର ଝିଅ। ୧୩ ଘଣ୍ଟା ଧରି ଅକ୍ଳାନ୍ତ ପରିଶ୍ରମ କରି ଝିଅଟି ପ୍ରଧାନମନ୍ତ୍ରୀଙ୍କର ଏକ ବିରାଟ ଚିତ୍ର କରି ତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛି। ବଡ଼ ଆଶ୍ଚର୍ଯ୍ୟର କଥା ହେଲା ଏହି ଛାତ୍ରୀ ଜଣକ ମାଣ୍ଡିଆ ଏବଂ ଡାଲି ଭଳି ଶସ୍ୟରେ ମୋଦୀଙ୍କ ଚିତ୍ର ତିଆରି କରିଛି, ଯାହାର ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି।
प्रधानमंत्री जी सबके प्रिय हैं!
13 वर्षीय बेटी प्रेस्ली शेकिना ने प्रधानमंत्री श्री @narendramodi जी के जन्मदिन के अवसर पर अनाज और दालों से उनका अद्भुत चित्र 12 घंटे की कड़ी मेहनत से तैयार किया। यह चित्र बच्चों का प्रधानमंत्री जी के प्रति प्रेम और सम्मान को दर्शाता है।
बहुत… pic.twitter.com/KpJWIzuSWB
— Jyotiraditya M. Scindia (@JM_Scindia) September 17, 2024
ଛାତ୍ରୀ ଜଣକ ଚେନ୍ନାଇର ଏକ ସ୍କୁଲରେ ପଢୁଛନ୍ତି। ତାଙ୍କ ନାଁ ହେଉଛି ପ୍ରେସଲୀ ଶୋକିନା। ପ୍ରେସଲୀଙ୍କ ଏପରି ପ୍ରତିଭାକୁ ଦେଖି ବିଭିନ୍ନ ମହଲରେ ବହୁତ ପ୍ରଶଂସା କରାଯାଉଛି। କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ନିଜ ସାମାଜିକ ଗଣମାଧ୍ୟମ ଆକାଉଣ୍ଟ ଏକ୍ସ’ରେ ଏହି ଭିଡିଓକୁ ଶେୟାର କରିଛନ୍ତି, ଯାହାର କ୍ୟାପସନ ରହିଛି ପ୍ରଧାନମନ୍ତ୍ରୀ ସମସ୍ତଙ୍କ ପ୍ରିୟ !
