ଘଣ୍ଟାପଡା: କଣ୍ଟାମାଳ ଅବକାରୀ ବିଭାଗ ଥାନା ପକ୍ଷରୁ ଚଢାଉ କରାଯାଇ ଦୁଇଟି ଗଞ୍ଜେଇ ମାମଲା ଚିହ୍ନଟ କରାଯାଇଛି । ଉକ୍ତ ଚଢାଉରେ ୯ କେଜି ଗଞ୍ଜେଇ ଓ ୨ଟି ବାଇକ ଜବତ କରିବା ସହିତ ଗଞ୍ଜେଇ ଚୋରା ଚାଲାଣରେ ସମ୍ପୃକ୍ତ ୪ ଜଣଙ୍କୁ ଗିରଫ କରାଯାଇଛି । ସୂଚନା ପ୍ରକାରେ ଅବକାରୀ ବିଭାଗ ଅଧିକାରୀ ଓ କର୍ମଚାରୀ କଣ୍ଟାମାଳ ଥାନା ଅନ୍ତର୍ଗତ ବଡଝାରମୁଣ୍ଡା ରାସ୍ତାରେ ପେଟ୍ରୋଲିଂ କରୁଥିବାବେଳେ କନ୍ଧମାଳ ଜିଲା ଗୋଛାପଡା ଥାନା ଅଧିନ ବଉଳିକା ଗ୍ରାମର ଶରତ କହଁର ଏବଂ ପ୍ରଶାନ୍ତ କହଁରଙ୍କ ନିକଟରୁ ୫ କେଜି ଗଞ୍ଜେଇ ଏବଂ ଗୋଟିଏ ବାଇକ୍ ହିରୋ ଏଚଏଫ ଡିଲକ୍ସ ଓଡି-୧୨ଏ-୦୪୦୧ ଜବତ କରାଯାଇଛି । ଉକ୍ତ ଅଭିଯୁକ୍ତଙ୍କ ନାମରେ କେସ ନଂ ୦୫/୨୦୨୪-୨୫ ରେ ଏକ ମାମଲା ରୁଜୁ କରାଯାଇଛି ।
ସେହିପରି ଅନ୍ୟ ଏକ ଗଞ୍ଜେଇ ମାମଲା କଣ୍ଟାମାଳ ଥାନା ଅନ୍ତର୍ଗତ ବଡଝାରମୁଣ୍ଡା ରାସ୍ତାରେ ବୌଦ୍ଧ ଜିଲା ମନମୁଣ୍ଡା ଥାନା ଅନ୍ତର୍ଗତ ଫଗୁଣାମାଳ ଗାଁର ଜ୍ୟୋତିରଞ୍ଜନ ମେଣ୍ଡିଲି ଏବଂ ଅଙ୍ଗଡି ମେଣ୍ଡିଲିଙ୍କ ନିକଟରୁ ୪ କେଜି ଗଞ୍ଜେଇ ଏବଂ ଗୋଟିଏ ବାଇକ୍ ହିରୋ ଗ୍ଲାମର ଓଡ଼ି-୩୧ଡି-୯୩୩୮ ଗାଡି ଜବତ କରାଯାଇଛି । ଅଭିଯୁକ୍ତ ବ୍ୟକ୍ତିଙ୍କ ବିରୋଧରେ କେସ ନଂ. ୦୬/୨୦୨୪-୨୫ ରେ ଏକ ମାମଲା ରୁଜୁ କରାଯାଇଛି । ସମସ୍ତ ଅଭିଯୁକ୍ତମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯିବା ସହିତ ଏହି ଘଟଣାର ଅଧିକ ତଦନ୍ତ ଚାଲିଛି ବୋଲି କଣ୍ଟାମାଳ ଅବକାରୀ ଥାନା ଅଧିକାରୀ ସୂର୍ଯ୍ୟକାନ୍ତ ମଲ୍ଲିକ ସୂଚନା ଦେଇଛନ୍ତି । ଚଢଉ ସମୟରେ କଣ୍ଟାମାଳ ଅବକାରୀ ବିଭାଗ ଥାନା ଅଧିକାରୀ ସୂର୍ଯ୍ୟକାନ୍ତ ମଲ୍ଲିକ, କନଷ୍ଟେବଳ ସୁକେସିନୀ ଖୁଜୁର, ସଞ୍ଜୟ କୁମାର ସେଠୀ, ଶ୍ରୀକାନ୍ତ ବେହେରା ଏବଂ ମନମୁଣ୍ଡା ଅବକାରୀ ଥାନା କନଷ୍ଟେବଳ ନିରଞ୍ଜନ ମଲ୍ଲିକ ପ୍ରମୁଖ ସାମିଲ ଥିଲେ ।
